Saturday, March 1, 2014

జన్మ దిన శుభా కాం క్షలు

పుట్టిటి వట యీ రోజున
పుట్టిన దామోద రుండ !పూర్ణిమ చంద్రున్
బిట్టుగ బోలుచు వెలుగుము
నట్టింటను దిరుగు చుండి నలుగురి లోనన్

ఎనుబది దాటిన వాడవె
యనువై యారోగ్య మార్య ! హాయిగ నుండ
న్ననయము మృత్యుం జయునే
పనిగొని సేవించు మెపుడు భక్తి యుతముగన్

జరిపింతువు కళ్యాణము
జరిపింతువు భేషు పలుక జనములు నీకున్
జరిపింతువు రామునికిట
జరిపింతువు సీతతోడ సర్వులు మెచ్చన్

బంధు ప్రీతిని గలిగిన బాంధ వుండ !
స్నేహ సంపద నొందిన  స్నేహ శీల !
శ్వేత వస్త్రము ల్ధరియించు వినయ శీల !
సాటి యెవరయ్య ! నీకిల  సాటి యెవరు ?

సకల శుభములు గలిగించు శంకరుండు
ఆయురారోగ్య సంపద లన్ని యిచ్చి
కంటికిని రెప్పయట్లయి కాచు గాత !
యెల్ల వేళల మిమ్ముల జల్లగాను

(శ్రీ దామోదర శాస్త్రి గారి పుట్టిన రోజు సంద ర్భముగా )

 

No comments:

Post a Comment