Tuesday, November 4, 2014

ముమ్మాటికి నిజము


మనము కోరెడి వారల  మధ్య కాక
మనల కోరెడి వారల మధ్య గలుగ
ముదము గలుగును నోయమ్మ ! మదిని నిండ
నిజము ముమ్మాటి కీమాట  నిజముసుమ్ము

కొడుకు కూతు ళ్ళ నుట దప్ప కొంచె మైన
బ్రేమ లేమాత్రమును లేవు  మేమనగను
దరికి జేరరు పలుకరు తమకుదాము
ముక్త సరిగాను బలుకుదు రుక్త ములవి

పిలువరు తాతా యనుచును
బిలువరు మఱి బామ్మ యనుచు బిలువరు మమ్మున్
బిలువక పోయిన సరియే
పలు దూరము నుండ్రు మాకు భయమున నేమో ?

భయము కాదది  యనుకొందు  వరలువణకు
వారు పిలువని మాత్రాన వచ్చు మిగుల
నష్ట మేమియు లేదులే నాకు నిపుడు
వేరె  గలరులే మమ్ముల బిలుచు వారు

No comments:

Post a Comment