Saturday, February 21, 2015

పుణ్య పురుషులు గద మఱి ముష్టి వారు

చదువ  నవసర మునులేదు శ్రద్ధగాను
కష్ట బడగను బనిలేదు కరము  వారు
అరయ కూలికి బోనవసరము లేదు
పుణ్య పురుషులు గద మఱి ముష్టి వారు

భగవ దాలయ ములయందు భవ్యముగను
ప్రాంగణ పు మెట్ల  యొద్దన వరుస యుండి
దైవ దర్శనమునకు ముంద రట వీరి
దర్శన  భాగ్యము గలుగజే  తురుగ  దా ర్య !
పుణ్య పురుషులు గద మఱి ముష్టి వారు

ఉదయ మందునే మొదలిడి యోర్పు తోడ
యర్చకులు మఱి గుడిమూయు నంత వరకు
గుడికి  దగ్గరే వసతిని  గూర్చు కతన
పుణ్య పురుషులు గద మఱి ముష్టి వారు

No comments:

Post a Comment