Monday, May 16, 2016

సన్మానము

జనన మొందిన తేదీని మనన జేసి 
సభను నొకదాని నేర్పాటు జక్క పఱచి 
సభికు లందరి మధ్యన సన్మతి నిట 
శాలు వనుగప్పి దీవించ సంత సమయె 

సన్మానించుట నిటులను 
సన్మానపు సభలు జరిపి సముచిత రీతిన్ 
సన్మాన కర్త చొరవన 
సన్మానిత సంఖ్య పెరిగె సాకార ముగాన్ 

వేదిక నలరు నాతోటి సోదరులకు ,
 సత్క రించెడు వారలు ,సత్క రింప 
బడెడు వారలు ప్రేక్షక మాన్యులకును 
వంద నంబులు సేతును నందు కొనుడు 

సన్మానము జేయగ నిక 
సన్మానితు నేను మీకు శతముల కొలదిన్ 
సన్మతితో నే నిత్తును 
దన్మయ మగునట్లు దనకు దరహాసములన్ 

ఇంత మందిని నిచ్చట నింత సేపు 
విసుగు లేకుండ కూర్చుండు విధము జేయు 
మొహనాకారు డైనట్టి మోహనునకు 
శుభము కలుగుత ! నిరతము నభవు దయను 

   

No comments:

Post a Comment