పొన్నకంటివారి రచన

తీపి చేదు వగరు తీరైన కారంబు
ఉప్పు పులుపులన్ని యున్నగాని
క్రొత్త వత్సరంబ! కోరిన రుచులను
మాకు పంచుమమ్మ! మరచిపోము

చిగురు క్రొమ్మావి కొమ్మల చివరలందు
దాగియుండెడు కోయిలల్ తరచి తరచి
శుభము మీకంచు పల్కుట చూడజూడ
బ్రహ్మ వాక్కుగ భావింప భావ్యమౌను!!

చైత్రమాసంపు శ్రీలక్ష్మి చలువ వలన,
జగము జగమెల్ల పులకించి మొగము విరియ,
చిగురుదొడిగిన చైతన్య చిత్తమంత,
పూలు విరబూచి కమ్మని పున్నమగును!!
సర్వులకు "దుర్ముఖి" నామ సంవత్సర శుభాకాంక్షలు!!