గాాాాాడిద

గాడిదకర్ణపేయముగ గానముసేయగమెచ్చిరెల్లరున్
బాడియె యట్లనంగను రమ!పండితులెవ్వరునొప్పుకోరుగా
గాడిదపాటపాడగనుగాయనివోలెనునింపుగుండెనో
గాడిదపాటపాడుటయుకర్ణములింపుగ నుంటయాభళా

కర్ణపేయంబుగాాా

పాడుతా తీయగానందు భానుమతియె
కర్ణపేయమ్ముగాబాడె,గార్దభమ్ము
మోయునెంతటి బరువైన మూపుమీద
వేయ,శ్రమకునమ్మినబంటు పృధివియందు

రేడియో

అఙ్ఞానాంబుధిలోనమున్గిననరుండాలాపమట్లుండెబో
యఙ్ఞానంబువికాసదాయకమ,హోహ్లాదంబుపండించెడిన్
సుఙ్ఞానుల్దమపాండితీగరిమచేసౌగంధిపుష్పంబులే
ప్రఙ్ఞాపాటవమొప్పుసజ్జనుడుదాభాసిల్లునెచ్చోటనన్
----

నరులకొప్పును ప్రకృతివినాాాశనంబు

చీకుచింతలు లేకయే చెలిమినుంట
నరులకొప్పును,ప్రకృతివినాశనంబు
ముప్పుదెచ్చును నరులకుమొదటి కెసుమి
కాన రక్షించ బ్రకృతిని గద్దుమనకు

ఏనుగుచంపజాాాాాాాలదుగదే

ఏనుగుచంపజాలదుగదే యెలుకన్ గడు విక్రమించినన్
గాననమందునన్మసలు గంజరమెక్కడ కన్నమందునన్
బూనికతోవసించునల మూషికమెక్కడ చింతజేయగన్
గానగరాదుగాబుడమిగాయలుగాచువీధంబుగాగనన్

ఏన్గు చంపనోపదెలుకనైన

దేహబలము గంటెదీటైన బలమును
గాన రామనుచును గర్వపడకు
బుద్ధి బలము ముందు భుజబల మేపాటి
యేన్గు చంపనోప దెలుకనైన

కోరికలన్ని

కోరికలన్నిటిన్దునిమి కోవెలయందున భక్తకోటికి
న్బారునగూరుచున్న,వరభక్తుడుగా గణియింత్రుసజ్జనుల్
పారమునందగోరునెడ బావనమైనమనంబు తోడుతన్
జేరువనుండగావలెను శీతనగేంద్రుని సూతుభర్తకున్

కోరికలు వెల్లువిరిసిన

కోరికలు వెల్లువిరిసిన
మీరక తనహద్దునెపుడు మెదలకగుడిలో
దీరుగనట యాభక్తుల
బారునగూర్చున్నవాడె భక్తవరుడగున్

నడకువ

నడకువమంచియుండిననున్యాయముబొందగవంగియుండుటన్
విడుచుటె యెగ్గుసిగ్గులను,విఙ్ఞులకున్హితమిచ్చు నిచ్చలు
న్నడకువతోడ బీదలకు నార్ధికసాయము జేయగోరుచో
బడుగులపాలిటయ్యది యపారపుగారవమౌనునేసుమా

ఎగ్గుసిగ్గుల విడుచుటెహితమొసంగు

చీదరించిన గొలదిని సిగ్గుబడక
తనయు నికినిదా మఱచియుతగ్గియుంట
యెగ్గుసిగ్గులువిడుచుటె,హితమొసంగు
నవిరళంబగు దానమ్ము లర్హులకిల

ఎక్కడిమేధపొత్తముల

ఎక్కడిమేధ పొత్తములనెన్నడు జూడనివానికివ్విధిన్
నక్కజమాయెనేనదియ?యాపరమేశ్వరు సేవజేయుచో
జక్కటిమేధగల్గునిల,శాస్త్రములేవియుజూడకుండనే
నిక్కముబల్కుచుంటిమరి నేర్పునమీరలుపూజజేయుడీ

ఎక్కడదీమేథ సుంతయెరుగడు

అక్కట!యేమీ ప్రవచన
మెక్కడదీమేధ? సుంతయెఱుగడు శాస్త్రాల్
నిక్కముగదైవకృపయే
తక్కువగా జూడరాదు తత్త్వంఙ్ఞుండే

దుర్వినయమ్ముతో

దుర్వినయమ్ముతో మనసుదోచెడువారుహితైషులేకదా
దుర్వినయమ్ముతోనయిన దోచుటయౌటను గారణంబుగా
సర్వుల గౌరవించగను జక్కగనొప్పు హితైషులేయనన్
గర్వవిహీనులై భువినిగాచుచునుందురుమంచివారలే

దుర్వినయమ్ముననుమనసుదోచెదరుహితుల్

సర్వముగోల్పోవుదురుగ
దుర్వినయమ్మునను,మనసుదోచెదరుహితుల్
సర్వఙ్ఞుడవీవనుచును
నుర్వినిదాబొగడుచుండియుత్సుకతలతోన్

దీపములాాార్పుచో

దీపములార్పుచో గనలిదేవళమందున గల్గునెప్పుడున్
బాపమె,దక్కునెల్లెడలశివస్తుతిజేసిన భక్తకోటికిన్
బాపముబోయికల్గునిల బ్రాపును,పుణ్యము దప్పకుండగన్
నాపరమేశుడేజగతి కంతటికీశుడు చింతజేయగన్

పాపము దక్కుజనులకుశివస్తుతిజేయన్

దీపములార్పుటగుడిలో
పాపము,దక్కుజనులకుశివస్తుతిజేయన్
బాపములుబోయి పుణ్యము
లేపారగవచ్చియార్య!యీశునిగరుణన్

ప్రకృతివినాశనంబె

వికృతపుచేష్టలన్జనినవేయివిధంబులుగానగున్సుమా
ప్రకృతివినాశనంబె,కడుపావనకార్యము మానవాళికిన్
సుకృతంబులేగడుంగడుగసొంపుగజేయుటనెల్లవారికిన్
బ్రకృతియనంగనేర్వుమికపార్వతిదేవిగభూతలంబునన్

వారిజపత్రమేతగిలివజ్రమురెండుగజీలెజిత్రమే

పారముబొందుకోరికనుభవ్యునిగూరిచి దండకంబునున్
వారము వారమున్జదివి వారిజపత్రముతోడశంభుపై
నీరముజల్లగానపుడు నెమ్మదిసంతసమొందనత్తఱిన్
వారిజపత్రమేతగిలివజ్రమురెండుగజీలెజిత్రమే

వారిజపత్రమ్ముసోకి వజ్రముచీలెన్

మారుడు శరములు వేయగ
మారణహోమంబుజేయ మాహేశ్వరుడున్
మారుని జూడగ నత్తఱి
వారిజపత్రమ్ముసోకి వజ్రముచీలెన్

అభయమునిచ్చిబ్రోచెడి

ఉభయులురామలక్ష్శణులుపోరునభీతిని గొల్పువారయున్
నభయమునిచ్చిబ్రోచెడిమహాత్ములు,రావణకుంభకర్ణులే
యిభమునుబోలిగర్వముననీశుడురాముని ధిక్కరించగా
నభయమునిచ్చురాముడనినంతముజేసెనునొక్కవేటునన్

అభయమొసగిబ్రోచును రాాాాావణాాాాాసురుండు

కష్టమందున వేడగ కాలుడార్య!
యభయ మొసగిబ్రోచును,రావణాసురుండు
నసురుడైనను,శైవుడునమితభక్తి
నిగొలుచుదినముదినమునునియమముగను

కాాాలము

ఫాలపునేత్రునిన్గొలిచి పాయసమాదిగ బిండివంటల
న్జాలముజేయకన్నిడగ భాలశశాంకుడుమోదమందిదా
కాలముదాటిపోయినను గాంచనమాదిగ సంపదల్వెస
న్గాలము మించిపోయిననుగాంచునుమందుడుసత్ఫలమ్ములన్

ఆలయములు

ఆలయములు మూయుదురయ
కాలాతీతమున,గలుగుగదసత్ఫలముల్
ఫాలునిదలచుచు భక్తిని
బాలన్నైవేద్యమిడగబ్రాతఃసంధ్యల్

సకలకళలకు

సకలకళలకు నిరవుగా ఛాత్రులకది
వెలుగుచుండగ దెలిసియుదెలియ కిటుల
మిత్తికిన్ముఖద్వారమమీరుపేట
యనుట పాడియే గురువర!మననజేయ

అంఘ్రిద్వంద్వము

అంఘ్రి ద్వంద్వములేకయుండిన సహాయంబౌట దివ్యాాంఘ్రమే
యంఘ్రిద్వంద్వములేని భామ వెసనాట్యంబాడెజిత్రమ్ముగన్
నంఘ్రిన్బుట్టిన గంగకూడను మహాహర్షంపు వేగంబుతో
నంఘ్రుల్దాటుచు బర్వులెత్తును గదాయాాాాాానందముప్పొంగగన్

అంఘ్రిద్వంద్వంబు

అంఘ్రిద్వంద్వము లేకను
నంఘ్రిద్వంద్వంబునునుచ,నసలుకుసరిది
వ్యాంఘ్రముదాగలుగుకతన
నంఘ్రిద్వంద్వంబులేని యాడదియాడెన్

దండిగ

పండితు లందఱున్గలిసి భవ్యునిగూరిచిబూజజేయగా
దండిగవానలేగురిసె,దప్పికదీరదిదేమిచిత్రమో
కొండలనుండిదామిగులగ్రౌర్యపురావముగల్గుచున్వెసన్
దండిగ వర్షమున్బడగధారుణియంతయుమున్గిపోయినన్

దప్పిదీరును

వానదేవుని గరుణన వసుధయందు
వానలెన్నియోకురిసె,పిపాసపోదు
త్రాగనుప్పునీటినిసరిత!తెలియుమిది
దప్పిదీరును మజ్జీగ ద్రాగునెడల

రేడియో

పారముబొందుకోరికనుభవ్యునిగూరిచి దండకంబునున్
వారము వారమున్జదివి వారిజపత్రముతోడశంభుపై
నీరముజల్లగానపుడు నెమ్మదిసంతసమొందనత్తఱిన్
వారిజపత్రమేతగిలివజ్రమురెండుగజీలెజిత్రమే
---
పోచిరాజు సుబ్బారావు
ప్రభాత్ నగర్ ,హైదరాబాదు

భద్రగిరీశుని

భద్రగిరీశునిన్గొలుచు భక్తులకున్చెఱసాలదక్కురా
నిద్రనుమున్గుచున్నిటుల నేరముగోచరమౌవిధంబుగా
క్షుద్రపుమాటలన్బలుక చోద్యముగాదెదలంచగానిటన్
భద్రమెయౌను రామునిల భక్తినిగొల్వగ నెల్లవారికిన్

భద్రగిరీశుడు

భద్రాచల రామునినిటు
భద్రగిరీశుండొసగునుభక్తులకు చెరన్
చిద్రూపుని భగవంతుని
క్షుద్రముగా బలుకనిటుల చోద్యముగాదే?

గాాాధీసూ

మేలుగ గాధిసూనునకు మేనకతల్లియగున్నిజంబుగన్
చాలును సామి!మీపలుకుసైయననొప్పదుగాధీసూనుకున్
మేలుగదల్లియౌననుట ,మేదినిప్రేయసియౌనుగానికన్
భాలపు నేత్రునత్తయగుభామయెమేనకనామధేయుగాన్

గాాాాాాాధిసూనునకు

ప్రేయసిగనాయె బుడమిని బ్రేమజూపి
గాధిసూనునకుమేనక,కన్నతల్లి
మిన్నదైవముగంటెను నెన్నగాను
దల్లిదండ్రుల సేవించనుల్లమలరు

స్వాాాాతంత్ర్యదినోత్సవము

భరత మాతకు బంధముల్దొరగుకతన
మూడురంగుల జెండాలు ముచ్చటగను
నెగురు చుండును నీరోజు నెల్లదిశల
దనివి దీరగ జేతుబ తాకములకు
వందనమ్ములు భక్తిని వందలాది

అల్లదె

అల్లదె చక్కగానమరె నల్లికపూవులుగుంఫనంబుగా
మల్లెలలోన,రేగినవిమంటలుబొబ్బలుపుట్టెనయ్యయో
కల్లుదుకాణపుందరినికాసులమంజులయింటిదూలము
న్గాలగనంతముట్టుకొనగందుచునెర్రగ నుండెనక్కటా

దివ్వెలపండుగ

దివ్వెలపండుగ రోజున
జువ్వలుగాల్చంగనవియ చురచురయెగరన్
రవ్వలుగలిగిన కాకర
పువ్వులలోజ్వాలలెగసిబొబ్బలుపుట్టెన్

మాాాాాాామకె

భామిని పార్వతీసతికిభర్తగు ధూర్జటిమామకున్దగన్
మామగుమేరుపర్వతుడు మాన్యుడునౌటనునెల్లవేళలన్
వేమరుసారులున్మదినివీడక నెప్పుడుసాదరంబుగా
మామకెమామగానిలిచిమాన్యతగన్నఘనున్ స్తుతించెదన్

మాాాామకు

భామిని గిరిజను గైకొన
మామగ దాబేరునొందె మాహేశునకున్
మామకుమామగుమేరుని
మామకెమామగనునిల్చుమాన్యునిగొలుతున్

కలిమిదొలగినపుడెకలుగుసుఖము

కాంక్షలెక్కువగునుగనకము మీదన
కలిమిదొలగినపుడె,కలుగుసుఖము
దైవచింతవలనదేదీప్యముగనిల
వాంఛలేకయుంట వరముమనకు

ఆకాశవాణి

పాపకర్మలుసేయకపరమపదము
జేరుకొఱకునైనిత్యము శివునిగురిచి
పూజజేయగ శ్రద్ధను బొసగుముక్తి
కాంతనువలచియోగిగాగణనకెక్కె
--

స్త్రీలెవ్వారలు

స్త్రీలెవ్వారలు భక్తితోడవరలక్ష్శిన్ గోల్వరాదెన్నడున్
షీలా!యేమిదివైపరీత్యమయొకో శ్రేయంబయౌనేనికన్
స్త్రీలేపూజకునర్హులౌటనుభువిన్ శ్రీకారమున్జుట్టుమా
మేలంబాడుటనీకుధర్మమె?యయో!!మేధావియౌనీకిటన్

లలనలుసేయదగదువరలక్ష్శీవ్రతమున్

కలతల నిద్రను నిట్లనె
లలనలుసేయదగదువరలక్ష్శీవ్రతమున్
మెలకువరాబలికెనిటుల
లలనలుసేయంగవలయు లక్ష్శీ పూజన్

మాతనుభర్తగాగొని

మాతనివారణన్మదిని మాన్యతజేయక దీక్షతోడనన్
భూతలనాధునిన్గురిచిపోడిమితోడన జేసిసంయతిన్
బూతమనస్కుడున్నగపుభూపతి,హైమవతేశుమామజా
మాతనుభర్తగాగొనియుమాసతిగాంచెనుకార్తికేయునిన్

కల్లోలమ్మునిరంతరాయమగుతన్గాశ్మీరదేశమ్మున
న్బల్లాలమ్మనుగోరుకొందునిపుడేభారమ్మునీదేసుమా
కల్లోలమ్ములులేకనుండగమమున్ఖండాంతరాళంబున
న్నెల్లన్నుండెడువారలందఱినిసూయీసారిగాపాడుమా

మాాాాతనుతనపతిగగొనియుమాాాాాాాసతిమురిసెన్

చేతనరూపుడు సదయుడు
భూతములకుబతియునైన బూతచరిత్రున్
శీతల నాగపుప్రభు,జా
మాతనుతనపతిగగొనియుమాసతి మురిసెన్

మూడేడుల్ గలపిల్లగర్భవతియైబుత్రున్ గనెన్ బ్రీతిమై

మూడేడుల్గుణియించగానగుగదామోదంబుగానిర్వయొ
క్కండున్లెక్కనగానసంభవమగున్గాంతాలలామిట్లవన్
మూడేడుల్గలపిల్లగర్భవతియైబుత్రున్గనెన్బ్రీతిమై
చూడన్న్యాయమెయౌనుగానదిరమా!సోత్కర్షమొప్పారగన్

మూడేడులపిల్లకొక్కపుత్రుడుగలిగెన్

మూడేడులు గుణియించగ
వాడుకలోనగునదియిరు వదియొక టిగదా
వేడుకను బెండ్లిజేయగ
మూడేడుల పిల్లకొక్కపుత్రుడుగలిగెన్

కల్లోలమ్మునిరంతరాయమగుతన్ గాశ్మీరదేశమ్మునన్

కల్లోలమ్మునిరంతరాయమగుతన్గాశ్మీరదేశమ్మున
న్బల్లాలమ్మనుగోరుకొందునిపుడేభారమ్మునీదేసుమా
కల్లోలమ్ములులేకనుండగమమున్ఖండాంతరాళంబున
న్నెల్లన్నుండెడువారలందఱినిసూయీసారిగాపాడుమా

కల్లోలముసాాాాాగుటొప్పుకాాాాాాశ్మీరమునన్

కల్లగ నెంతును దీనిని
కల్లోలము సాగుటొప్పుకాశ్మీరమునన్
మల్లియతీగను వోలెను
నల్లుకొ నుచునొక రికొకరుహాయి మనవలెన్

కష్టము లెల్లదీరెనని

సుష్టుగ వర్షముల్ గురువ సౌరభమొప్పగ జేలుపండగన్
గష్టములెల్లదీరెనని గార్చిరిగంటనునీరుబ్రీతితోన్
బుష్టియెతిండిగింజలకు,భుక్తికిలోటదిగల్గరాదనే
స్పష్టత వారిలో గలిగి సౌఖ్యపుజీవనమిచ్చగించిరే

కష్టములదీరగన్నీరుగార్చిరడలి

కఱవురాక్షసి జగమంత కదలియాడ
ప్రభుత గమనించి ధనమీయ వలసినంత
కష్టములదీర గన్నీరు గార్చిరడలి
పుడమి జనులార్య!సంతసపుబొంగుతోడ

కలము

కలముద్యజించి మేటికవిగా యశమందెనొకండుధాత్రిపై
యలరుచు నాశువున్ భువినినందముగల్గుసుపద్యమాలలన్
బలువిధపోకడల్ సదువ పాఠకలోకముసంతసిల్లగా
బలిబలియంచునచ్చటిసుపండితులందఱుమెచ్చిరేసుమా

కలమువిడిచిమేటికవిగవెలిగె

గరిక పాటి వారిగళము నుండిసుధలు
జాలువాఱుచుండి జనముమెచ్చ
కలమువిడిచి మేటికవిగ వెలిగెనార్య!
గరికపాటివంశ కవితిలకుడు

ఆకాశవాణి

కలిములుదండిగుండిననకారణవైరముపొర్గువారితో
గలుగుచుమానసంబునుజికాకుమయంబుగజేయుచుండుచున్
దలపగనీదుదైవమును,ధార్మికదృష్టినిడొల్లజేయుటన్
గలిమిదొలంగినప్పుడెసుఖంబులభించును మానవాళికిన్
-----

కవినాశముగోరివ్రాయుగావ్యములెలమిన్

కవియన ఋషిసంభూతుడు
కవిరచనలుశుభములీయ ఖగవతిప్రజకున్
గవినిన్ న్యాయమె యిటులన
కవినాశము గోరివ్రాయు గావ్యములెలమిన్

ఔనా గల్లలె జెప్పునందురుగదా యాకాశవాణిన్ జనుల్

ఙ్ఞానంబిచ్చును వార్తదెల్పునునికన్ గైతల్ సరాగంబుతో
నానందంబును బొందునట్లుగ దగన్నాలాపముంజేయగా
నౌనా గల్లలెచెప్పునందురుగదాయాకాశవాణిన్జనుల్
వీనుల్సోకగరానిమాటలుసుమావిన్పించెగానిత్తఱిన్

కల్లలేచెప్పుచుండునాకాశవాణి

కల్ల లేచెప్పు చుండునా కాశవాణి
యనెడుపలుకులు నిజములే యక్షరాల
వచ్చుననుజెప్పు వర్షమ్ముపడదు మనకు
రాదనినుడువు తోడన రాళ్ళుపడును
(రాళ్ళవర్షము)