మంచు గని తరించిరెల్ల రా పర్వంబున్

త్రెంచుము భవబంధంబులు
పెంచుము మఱి మోక్ష గతులు పెద్దమ తల్లీ !
మంచిగ సేవలు సేసెద
మంచు గని తరించి రెల్ల రా పర్వంబున్ .

మోహ పా శ మ్మె మేలు సన్మునుల కెల్ల

ఆలు బిడ్డల యెడ ప్రేమ మధిక మగుట
మోహ పాశ మ్మె , మేలు సన్మునుల కెల్ల
నియమ నిష్ఠలు సన్మతి నియతి కలిగి
మఖ మొనర్చుట జనుల క్షేమమును గోరి .

నందనా నీ కు వేవేల నతు లొ నర్తు

శంక రార్యుని రోగము శమయ జేసి
యాయు రారోగ్య సంపద లన్ని యిచ్చి
పూర్వ స్వాస్థ్యము చేకూర్చు శర్వ ! శంభు
నందనా నీ కు వేవేల నతు లొ నర్తు .

చిరు లత యె రావి చెట్టును చీ రి యణ చె

చిరు లత యె రావి చెట్టును చీ రి యణ చె
కలి యు గంబున నయ్యది కలుగ వచ్చు
పుట్ట చీ మలు బారినై గిట్టు పాము
ఇంత నింతలు జరుగును వింత లెన్నొ .

ఉత్తరమున భాను బింబ ముదయం బాయెన్

చిత్తుగ మేఘము వీడెను
ఉత్తరమున , భాను బింబ ముదయం బాయెన్
నత్త రి తెల తెల వారగ
దుత్తను జేబూని వెడలె దుగ్ధము దేవన్ .

నందన సంవత్స రమ్మ ! నవ్యత నిమ్మా !

నందుని నందను సోదరి !
చిందర గా నుండు నాదు జీ వితము నకున్
సుందర సొబగులు దోపగ
నందన సంవ త్సరమ్మ ! నవ్యత నిమ్మా !

పట్టు లక న్నిటికి పెద్ద పరమా త్ముండౌ

పట్టులు పరి పరి విధములు
పట్టులె యన యాయు పట్టు పరి కింపంగా
పట్టులు విడుపులు సహజము
పట్టుల కన్నిటికి పెద్ద పరమా త్ముండౌ .

పండు వెన్నెల లివె యమావాస్య గురిసె

పెద్ద వారిండ్ల జరిగెడు పెండ్లి కొఱకు
వీధివీధుల దీ పాలు వెలుగు లీన
కళ్ళు మిరిమిట్లు గొలుపంగ కాంతులొదవ
పండు వెన్నెల లివె యమావాస్య గురిసె .

కలను దలచి హృదయ కమల మల రె

చిత్ర సీమ కేగి చిత్రంబు నొకదాని
చూడ ముచ్చ టుం డె చూచు కొలది
రేయి నిదుర వోవ తీ యని కల గాంచి
కలను దలచి హృదయ కమల మల రె .

రాజి తమ్ము రాజ పూజి తమ్ము

కాల నేత్రు విల్లు కనక మణిమయ వి
రాజి తమ్ము , రాజ పూజి తమ్ము
జనకు నింట నుండు జగదీ శు హరివిల్లు
ఎక్కు పెట్టె రాము డొక్క డేను.

పుండు సతిని గాంచి మోద మొందె

శశి ధరుండు భవుడు సాంబుడు మదన రి
పుండు సతిని గాంచి మోద మొందె
దక్ష య జ్ఞ లయము దాక్షా య ణి కతన
వంద నీయు డెపుడు భవుడు మనకు .

పాడు లోకము రాముని ప్రస్తు తించు

రామ నామము రమ్యము రక్తి యుతము
నామనంబున నుండుమా రామ యనుచు
భక్తి మీరగ నొడలెల్ల పరవశించి
పాడు లోకము రాముని ప్రస్తు తించు

పాపులు దివి కేగి రయ్య ! భర్గుని గరుణన్

శాపంబుల బాలగు దురు
పాపులు , దివి కేగి రయ్య ! భర్గుని గరుణన్
తాపస వర్యుల శ్రేణులు
పాపంబులు సేయ కునికి వరమది ప్రజకున్.

అర్ధ నారీ శ్వ రుండ య్యె యాఛ కుండు

అర్ధ భాగంబు నందున నాలి యుంట
అర్ధ నారీ శ్వ రుండ య్యె , యాచ కుండు
దినము దినమును బలు మార్లు దిరుగు చుండి
భిక్ష మెత్తుకు బోషించు బిడ్డ నవని .

వనితలకు భూష ణంబు వయ్యంది యగున్

సిగ్గు వినయంబు నడకువ చిలిపి తనము
వనితలకు భూష ణంబు , వయ్యంది యగును
పెండ్లి వయసులు గల యట్టి బిడ్డ లౌర
యింటనుండిన నెత్తిన నెంతొ బరువు .

భారతంబును బొంకని బలుక దగును

సకల శాస్త్రము లొ డ బోయుసార మండ్రు
భార తంబును , బొంకని బలుక దగును
ననెడుమాటలు బూటక మగును సుమ్ము
వేద భగవాని పంచమ వేద మదియ .

కంచి గరుడ సేవ మంచి దగును

నిరుప యోగ మైన నేతల సేవించ
కంచి గరుడ సేవ , మంచి దగును
భక్తి శ్రద్ధ గలిగి పరమేశు సేవించ
భుక్తి ముక్తి దొరకు భువన మందు .

ధార్త రాష్ట్రులు నడచిరి ధర్మ పధము

ధర్మ హీనులై యుండిరి ధరణి లోన
ధార్త రాష్త్రులు , నడచిరి ధర్మ పధము
పాండు సూనులు తమకెన్ని బాధ లొదవ
నంద నందను ననిశంబు నమ్ము కొనిరి .

రాముడిచ్చెను సీతను రావణు నకు

రాము డిచ్చెను సీతను రావణు నకు
ననగ నేటికి ? రావణు డ పహ రించె
మాయ వేషంబు దాల్చియు మాయ జేసి
మాయ లెం త యొ కాలంబు మనగ లేవు .

దివియె భువి పైన గిర గిర తిరుగు చుండు

దివియె భువి పైన గిర గిర తిరుగు చుండు
ఆహ ! యేమి యీ బలుకుల నాల కించ
చెవుల బూ వులు వరుసంగ చిదుముకొనగ
నవస రంబగు నియ్యె డ యయ్య ! మనకు

కన్న వారలు క్రూరులు కటినులు గద

శాంత రూపులు సౌమ్యులు సద్గు ణు లును
కన్న వారలు , క్రూరులు క టినులు గద
అత్త మామయు మరిదియు నాడబడుచు
మూర్ఖ చిత్తులు క్రూరులు మొండి వారు

మహిళను దూషించు వాడు మాన్యుడు జగతిన్

మహిలో నాశన మొం దును
మహిళను దూషించు వాడు , మాన్యుడు జగతిన్
మహిళల యున్నతి గోరుచు
మహిళల బ్రేమించు వాడు మదిలో నెపుడున్ .

హీ నునకు నమస్క రింతు నెపుడు

ఊ త నిత్తు నెపుడు చేత నైనంత లో
హీ నునకు , నమస్క రింతు నెపుడు
పారి జాత ప్రభుని పాద పద్మములకు
మలిన రహిత మైన మనసు తోడ .

వనితకు వందనము సేయవలె సద్భ క్తిన్

వనితే జాతికి రత్నము
వనితే కద! మూల మసలు వంశము కొరకున్
వనితే ముఖ్యము సృష్టికి
వనితకు వందనము సేయవలె సద్భ క్తిన్ .

నీతి లేని వారె నేత లైరి

నీతి లేని వారె నేత లైరి యనుట
మంచి గాదు నెపుడు మనకు నరయ
నీతి మంతు లైన నేతలుం గలరయా
వల్ల భాయి నేత వంటి వారు

చోరుని గని సంత సించి సుందరి పిలిచెన్

చౌర్యము సేయుట తప్పని
చోరుండే జెప్ప నమ్మె సూనృత మనియున్
చౌర్యము చేయగ వచ్చిన
చోరుని గని సంత సించి సుందరి పిలిచెన్

నడకలు తడబడు బుడతడు నాట్యము నేర్చెన్

తడబడు నడకలు గలిగిన
బుడతడు వేవేగ నడువ బోర్లా పడగన్
గడు సంతస మొప్పారగ
నడకలు తడబడు బుడతడు నాట్యము నేర్చెన్ .

తొండ పలక రించె తుండంబు పైకెత్తి

మూగ జీవి నోరు పెగలక పోయిన
బావి లోన నుండు మనుజు జూచి
తొండ పలక రించె , తుండంబు పైకెత్తి
గజము ఘీంక రించె గడగడంగ

కమల బాంధవు డే తేర గలువ విచ్చె

పుచ్చ వెన్నెల మఱి పించె పుడమి మీద
కమల బాంధవు డే తేర , గలువ విచ్చె
చంద మామను గనుగొని సంత సమున
ప్రీతి పాత్రుల కలయిక ప్రీతి గాదె !

కోతి కూత కూసె గోడి వలెనె

కోడి కూత కూసె గోడి వలెనె నట
కాల మహిమ లయ్య! కాద యిదియ ?
ఒకరి మాట లొకర యోలి పలుకు చుంటి
రికద! వింత లేదు నికను మనకు .

తల్లి మాట వినుట తప్పు గాదె .

తల్లి మొదటి గురువు తల్లి దైవంబును
తల్లి మాట వినుట తప్పు గాదె
తల్లి దండ్రి యెడల దయ తోడ మసలుచు
తల్లి సేవ చేసి తరియు మన్న !

పార్ధ సారధి రణమున పరుగు లిడెను

కదన రంగాన దానయై కాను పించ
పార్ధ సారధి ,రణమున పరుగు లిడెను
శత్రు సేనలు నందరు చకితు లగుచు
దైవ లీలలు దెలియగ దరమె మనకు ?

శివుని పూజ సేయ పోవు సిరులు

మోక్ష మొందు నరుడు మూర్ఖుడు నయ్యును
శివుని పూజ సేయ , పోవు సిరులు
భక్తి , శ్రద్ధ లేక భజనలు సేసిన
పరమ పదము నొంద భక్తి మేటి .

కలుషముల బాపు గంగయే గరళ మయ్యె

ప్రాణ హానిని జేయును వడిని మునుగ
కలుషముల బాపు గంగయే , గరళ మయ్యె
మత్తుమందును గలిపిన బర్రి పాలు
పాలు త్రాగెడు పిల్లల పాట్లు గనుము .