భ్రూ ణ హత్యల జేయుట పుణ్య మగును

మిగుల పాపమగును గద మేదిని మఱి
భ్రూ ణ హత్యల జేయుట,  పుణ్య మగును
చెత్త బుట్టల బాపల  చేర దీసి
యాదరంబున వారిని  నాదు కొనిన 

తరుణికి నందమ్ము నొసగు దలపై, గొ మ్ముల్

అర విడిచిన పూమాలలు
తరుణికి నందమ్ము నొసగు దలపై, గొ మ్ముల్
బఱగుచు మైసూ రెడ్లకు
కరమవి యంద మును గూర్చు  గనులకు  మిగులన్ 

శంకరుడు మ కొఱకు పారిజాతము దెచ్చెన్

వెంకన్నా!  వింటివ యిది ?
శంకరుడు మ కొఱకు  పారిజాతము దెచ్చెన్
జంకనునది  లేకుండగ
శంకను గలిగించు మాట  సబుబే పలుకన్ 

రాముడు విన నియ్య కొనడు రామాయణ మున్

పామరుని చెడ్డ మాటలు
రాముడు విన నియ్య కొనడు, రామాయణ మున్
నేమము దప్పక చదివిన
రాముడె మఱి మనకు నిచ్చు రత్నపు సిరులన్ 

చదువు రాని వాడు శాస్త్ర వేత్త

చదువు రాని వాడు శాస్త్ర వేత్త యగుట
కల్ల , చదువు ముఖ్య  మెల్ల రకును
చదువు లేని వాని  జవటగ భావింతు
రుర్వి  జనులు  నిజము  శర్వ పుత్ర !

క్రిస్మస్ నాడవ తరించె గృష్ణుడు భువిపై

అస్మత్  కవితా సుందరి
క్రిస్మస్ నాడవ తరించె , గృష్ణుడు భువిపై
విస్మయము గలుగు నట్లుగ
భస్మా సురు జంపి ప్రజల బాధలు దీ ర్చెన్ 

భువిని శాత్రవు లెల్ల బంధువులు గారె

కీడు చేయుదు రనిశము దాడి చేసి
భువిని శాత్రవు లెల్ల, బంధువులు గారె
నాక మందలి సుర లెల్ల నాక పతికి
బంధు గణమును బెంచగ వలయు  మనకు 

కర్ణ పేయమ్ముగా బాడె గార్దభమ్ము

నిండు సభలోన  పాటలు  నీలవేణి
కర్ణ పేయమ్ముగా బాడె , గార్దభమ్ము
భీక రంబుగ నఱచెను మోకరిల్లి
యేమి బాధను నొందె నో ? నేమొ  కాని 

తాపసులకు బూజ్యుడు గదా దశ ముఖుండు

సకల శుభములు గలిగించు  శంక రుండు
తాపసులకు బూజ్యుడు గదా , దశ ముఖుండు
ప్రతి ది నంబును నుదయాన  భక్తి తోడ
కోటి లింగము లర్చించు  మేటి  గుణుడు 

కట్టు డేనుగున్ వెంపలి చెట్టునకును

విచ్చల విడిగా దిరుగుచు రచ్చ జేసె
కట్టు డేనుగున్ , వెంపలి చెట్టునకును
కొమ్మ లుండును  జూచితె ? కొమ్మ లార!
యెక్క డైనను దానిని నివ్వ సుధను !

తరువుల బడ గొట్ట దప్ప దయ్య

అడవి  వెం బ  డిమఱి  యనువుగ   రహ దారి
వేయు  కొఱకు నచట విస్త రించు
తరువుల బడ గొట్ట దప్ప దయ్య ! మనకు
సకల సుగుణ యుతుడ ! శంక రార్య!

పదవీ విరమణము గొప్ప వరమగును గదా

పదవిని నుండగ దెలియును
పదవీ  విరమణము , గొప్ప వరమగును గదా
పదవీ విరమణ జనులకు
పదికిం  బది మార్లు శివుని బ్రార్ధన  జేయన్

పదవిని నుండగ జేయము
సదయుండగు శివుని బూజ సాకారముగన్
పదవులు దొలగిన జేతుము
పదవీ విరమణము గొప్ప వరమగును గదా .

 

హనుమంతుడు పూజ నీయు డసురుల కెల్లన్

విను డం దరి భక్తులకును
హనుమంతుడు పూజ నీయు, డసురుల కెల్ల
న్ననయము దడ గలి గించును
హనుమంతుని బేరు వినిన  నార్యా ! యెపుడున్ 

పదవి విరమణ యొక గొప్ప వరము సుమ్ము

పదవి యున్నంత కాలమ్ము పరమ శివుని
ఒక్క మారైన  దలచక యున్న  నాకు
దైవ ధ్యానమే నాకిక  భావ మగుట
పదవి విరమణ యొక గొప్ప వరము సుమ్ము

 

సురలసురులు గూడి రొకట చుట్టము లగుచున్

హరి దా బంచగ నమృతము
సురలసురులు గూడి రొకట చుట్టము లగుచున్
అరచేతు లొడిసి పట్టుకు
బిరబిర మని  ద్రాగి రపుడు బేబే వనుచున్ 

సంజ నిద్దుర చేకూర్చు సంపదలను

మంచి యలవాటు కాదార్య ! మానవునకు 
సంజ నిద్దుర చేకూర్చు  సంపదలను
భక్తి శ్రధ్ధల బూజించ భర్గు నిలను
ఆయ నేకద ! మనలను నాదు కొనును 

బంధము లేగా మఱి గుది బండ లగు నికన్

బంధ ములజోలి పోకుము
బంధము లొక టొక టి గ నిక పట్టును బెంచున్
బంధము విడివడ  కుండును
బంధము లేగా మఱి గుది బండ లగు నికన్ 

కాటి కాపరి సాక్షాత్తు కాల యముడు

యముని నాజ్ఞను  బాటించి  యతని భటులు
మనిషి ప్రాణంబు గొనిపోయి  మరల యీయ
మసన మందలి  కాపరి మట్టు గఱపె
కాటి కాపరి సాక్షాత్తు కాల యముడు 

బడుగు బాపని మేనంత వజ్ర మయము

వడిలి పోయెను మఱి యెండు  పరక వోలె
బడుగు బాపని మేనంత , వజ్ర మయము
శ్రీ నివాసుని దేహము శిరము కూడ
ఏడు కొండల వానికి నేమి లోటు ?

కాశికా పురవాసులు కర్కశు లట

పుణ్య వంతులు  మఱి మఱి  పుడమి యందు
కాశికా పురవాసులు,  కర్కశు లట
కని కరంబిసు మంతయు కనని  యంత
కాశికా పురా ధీ శుడే కాచు గాత !

కారమె సుఖ శాంతు లొసగు కష్టము దీర్చున్

ఆరయ  బాంధ వ్యంబులు
వేరగు  భావంబు గాక , విచ్చల విడిగన్
మీరక , నలుగురి యా మమ
కారమె సుఖ శాంతు లొసగు కష్టము దీర్చున్
 

ముఱు గు కూ ప మున మునుగ ముక్తి కలుగు

శ్వా స యాడక   మరణించు సామి ! మఱి ని
ముఱు గు కూ ప మున  మునుగ ముక్తి కలుగు
భక్తి శ్రధ్ధల  బూజించ  భవుని  ధరను
పాప పుణ్యాల  ఫలితమే  వరుస జన్మ 

గంగా నది తెలుగు నాట గలగల పాఱు న్

భంగము లొక వరు వరుసను
గంగా నది తెలుగు నాట గలగల పాఱు న్
భంగములు సాల గలిగిన
లింగోద్భ వు డొసగ దయను  లేములు దొలగెన్ 

భక్తి లేనివాడు పరమ భక్తుడు గద

మిగుల దుర్మార్గు డ నబడు మేదిని మఱి
భక్తి లేనివాడు  పరమ భక్తుడు గద
ధరను బ్రహ్లాదు  డ నువాడు ,ధార్మి కుడును
రాక్షస కుల భూ  షణుడు ను,  రమ్య  దేహి .

 

భ్రష్టుండగు వాడె పరమ పదమున దనరున్

కష్టముల బాలు జేయును
భ్రష్టుండగు వాడె , పరమ పదమున దనరున్
అష్టమ గర్భుని  కృష్ణుని
ఇష్టముతో  కొలిచి నేని నిహమున్దివినిన్ 

పాలను గ్రోలిన మనుజుడు పాపాత్ముడగున్

చాలిన బలమును బొందును
పాలను గ్రోలిన మనుజుడు , పాపాత్ముడగున్
ఆలను చంపిన యెడ లను
ఆలను భావించ వలయు  నమ్మల వోలెన్ 

రాము నిం జంపె రణమున రావ ణుండు

కలను గంటిని రాతిరి కలత జెంది
రాము  నిం జంపె  రణమున రావ ణుండు
భయము తోడన లేవగ , భ్రమగ  నెఱి గి
సంత సించితి  మదిలోన  వంత లుడగ 

పాండు కుమారులు నలుగురు పదుగురు మెచ్చన్

అండగ నుండిరి యన్నకు
పాండు కుమారులు  నలుగురు పదుగురు మెచ్చన్
భండనము నందు మిగులను
గండ రు  గండరుల బోలి  కను విందాయెన్ . 

పిట్ట కూతకు , ది శ లెల్ల బిట్టు వడకె

పారి పోయెను పక్షులు భయము తోడ
పిట్ట కూతకు ,  ది శ లెల్ల బిట్టు వడకె
నడవి మృగములు సహితము నదరి  యపుడు
కూత యెట్టిదో యూహించు  కొనుడు మీరు
 

సైంధవుడు చంపె భీముని సమర మందు

సైంధవుడు చంపె  భీముని సమర  మందు
నమ్మితిర మీరు ? మఱి యది నమ్మ దగునె ?
నిలువ జాలునె ? భీముని  బలము ముందు
తెలిసి  మఱియును  నిటులుగ దెలుప  దగునె ?

కాలకూట విషము మేలు జేయు

ప్రాణ హాని జేయు పరమాత్ములకు నైన
కాలకూట విషము  మేలు జేయు
ఆత్మ హత్యకు మఱి యారాట పడునట్టి
మానవునకు నిదియ  మఱి  తలపగ 

కాల చక్రము నాపుట, కడు సులభము

ఎవరి దరమును గాదార్య ! యిప్పుడమిని
కాల చక్రము నాపుట,  కడు  సులభము
ముక్తి నొందుట నేరుగా భువిని మఱి ని
భక్తి శ్రధ్ధల బూజించ  పరమ శివుని