కాంతకై త పింతురు వార్ధకమున మిగుల

కాంతకై త పింతురు వార్ధకమున మిగుల
యక్షరాల ని జముసామి !యామె లేని
యిల్లు కాంతివిహీనమై యుల్లమునకు
బాధ కలిగించు దప్పక భవ్య చరిత !

శంకర శతకము

శంకరశతకపు పొత్తము
బింకముగా వ్రాసినట్టి పెద్దలకీయీ
లెంకను జేయుదు నతులను
శంకలు లేకుండగొనుడు సాదర మొప్పన్

భక్ష్యముల నాముదము తోడ వండ దగును

భక్ష్యముల నాముదము తోడ వండ దగును
బలుకు మీయది  సత్యము, వండుదురట
నారి కేళపు తైలాన నాణ్యముగను
గొన్ని ప్రాంతాల యందున  మిన్నగాను

ముని గన్గొన ముదిత వలపు ముమ్మర మయ్యెన్

వినయపు నతులను నిత్తును
ముని గన్గొన, ముదిత వలపు ముమ్మర మయ్యెన్
గని నంతనె తన భర్తను
వనజా ! విను సహజ మదియ వనితల కెల్లన్

దత్తపది

జయమునుబలుకగసురలట
రయమునబాణంబువేయరాముడుమిగులన్
 భయమునబంగరుమృగమది
నయముగవేగంతుతోడ నర్తిలి పారెన్

ప్రేమయె పొంగి పొర్లినది వీధులలో జనులెల్ల జూడఁగన్

ప్రేమయె పొంగి పొర్లినది వీధులలో జనులెల్ల జూడఁగన్
గామము హెచ్చుగా గలుగ కామిని మానస మందునన్భళా
రాముని మందిరంబు గని రాముని వేడిరి సామి ! మమ్ముల
న్నేమిగ జేతురో యికను నిట్లుగ మేమిట కల్సుకొందుకై

ఆగష్టు 15

ugust 10, 2015

ఆగష్టు 15

ఈ రోజే మన పండుగ

మీరందరు వచ్చిరిటకు మీరని భక్తిన్ 

గారవపు నతుల నిడుదును 

వీరుల మది దలచు చుండి వీడని భక్తిన్ 

ఆంగ్ల పాలకు లవశమై యష్ట కష్ట 

ములను  భరియించు బ్రజలకు ముక్తి కొరకు 

గాంధి  మొదలగు వారలు గలసి గట్టు 

తనము తోడన పోరాడి తనర దెచ్చె 

దేశ మునకు స్వరాజ్యము దేజరిలగ 

ఖైదు  లోపల మ్రగ్గియు కఠిన మైన 

దెబ్బ లెన్నియో భరియించి ,తెలివి పోయి 

బ్రతికి రార్యులు  జీ వ చ్ఛ వంబు వోలె 

చెప్ప  లేమయ్య  వారల చిప్ప కూడు 

అట్టి  మహితాత్ము  లగురిచి గట్టి గాను 

నెంత జెప్పిన మఱి యది  సుంతె  యగును
వంద నంబులు వారికి వంద లాది
చేయుటే మన  కర్తవ్య మార్య !యికను

భరత మాతకు పలుకుడు భవ్యు లార !
జైభ  రతమాత !యిక నీకు  జయము జయము
సేవ జేతును నిరతము శిరము  వంచి
దయను జూడుమా నాపైన ధాత్రి  జనని !

దేశ  మునకునై ప్రాణాలు దీ సికొనిన
నాయ  కులయాత్మ శాంతికై నలువ గురిచి
చేయ బ్రార్ధన నేనును  జేతు నార్య !
సెల  వొ  సంగుడు నాకిక  సేతు నతులు

ప్రేమ పొంగి పొరలె వీధులందు నిజము

ఉత్స వి గ్ర హమ్ము లూరేగు చుండగ
భక్తి రసము లచట రక్తి గొలుప
ప్రేమ పొంగి పొరలె వీధులందు నిజము
కనగ లేవు వేయి కన్ను లైన

యమునకె తప్పదుగ భస్మమగుటెపుడైనన్

అమలపుజరితుడునగుచును
మమతల వెల్లువలుగలిగి మాన్యతతోడన్
  మమకారమ్ములుగలకా
యమునకె తప్పదుగ భస్మమగుటెపుడైనన్

పతిని సహోదర యనుచు భవానియె పిలిచెన్

సతులందరు పిలుతురు పర
పతిని సహోదర యనుచు భవానియె పిలిచె
న్నితరులతోబాటుగ దన
పతి నిన్  దా బిలిచె నట్లు  పరిహాసమునన్

ముదమున రాహుల్ వరించె మోదీ తనయన్

అదిరెను సామీ  చెప్పుడు
ముదమున రాహుల్ వరించె మోదీ తనయన్
జదువగ నబ్బుర మగుచు
న్నెద యంతయు జలదరించె నీక్షణ మునన్

భాగవతమ్మునున్జ దువపాపమపారము చేకురున్ జుమీ

భాగవతమ్మునున్జ దువపాపమపారము చేకురున్ జుమీ
భోగుల మాటయే యదియ ,పోకిరి గా నటు పల్కుచుందురే
భాగవతమ్మనన్నిలను బావన మైనది గాదలంతుమే
వాగుడు కాయలే యవియ వాటిని లెక్కకు వద్దులే సుమా

భాగవతమ్మును జదువుట పాపముసుమ్మీ

భోగులు బలుకుదు రిట్లని
భాగవతమ్మును జదువుట పాపముసుమ్మీ
భాగవత మెది యొ తెలియక
వాగుదురే యిట్లువారు వసుధను సామీ !

విరసంబగు రచన యొప్పె వీనుల విందై

విరసము సరసపు ట ర్ధము
లెరుగని నొక పామరుండు  నేర్వక చదువు
న్నరకొ ర తెలివిని నిట్లనె
విరసంబగు రచన యొప్పె వీనుల విందై

గురుపూర్ణిమ

గురుపూర్ణిమ శుభదినమున
గురువులకుంజేతునతులుగూరిమితోడన్
 గురువన శంకరుడేగద
విరులంబూజించయిచ్చువేలుగసిరులన్

అష్టమి నాడు జేయఁదగు నన్ని పనుల్ శుభ మండ్రు విజ్ఞులే

అష్టమి నాడు జేయఁదగు నన్ని పనుల్ శుభ మండ్రు విజ్ఞులే
యష్టమి మంచిదే యనుట నయ్యది విజ్ఞుల మాటగా వున
న్నిష్టము గల్గి మామదికి నేపని నైనను జేతు మప్పుడు న్
శిష్టుల మాటలే మనకు శీఘ్రము మంచిని జేయు నెప్పుడున్

అకలంకుండగు వ్యాసరా డ్విభుడు

అకలంకుండగు వ్యాసరా డ్విభుడు నౌన్గదా తండ్రియు
న్శుకయోగీంద్రునకల్లుడయ్యెగదభీష్ముండందరుప్పొంగగ
న్నకటా భీష్ముడు భీకరముగా హా దాను నుద్వాహము
న్నికజే బూననిబల్కగా నగునె నోయీ భీ ష్మకుం డల్లుగాన్

శుకయోగికి నల్లుడయ్యె జుమి భీష్ముండే

అకటా యేమని వ్రాయుదు
శుకయోగికి నల్లుడయ్యె జుమి భీష్ముండే
తికమక గా నుండెను మరి
శుక భీష్ముల కిడుదు నతులు సుమ్మీ యిపుడున్

అష్టమ తిధి శుభకరమని యందురు విజ్ఞుల్

అ ష్టమిని  బుట్ట కృష్ణుడు
అష్టమ తిధి శుభకరమని యందురు విజ్ఞుల్
శి ష్టుల మాటల మృతములె
యిష్టమె యా తిది య మాకు నేపని కైనన్

మద్యమె మానవాళికి సమంచిత బుద్ధి బలమ్ము లిచ్చురా

మద్యమె  మానవాళికి సమంచిత బుద్ధి బలమ్ము లిచ్చురా
మద్యము నిచ్చు మత్తు గద మానవ జాతికి నెల్ల వేళలన్
మద్యము జోలిపోవకను మాన్యుని వోలెను జీవితంబుసూ
హృద్యముగా జరుంగుటకు హేవళి నాముడు రక్ష సేయుతన్

మద్యమె బలవర్ధకమ్ము మనుజుల కెల్లన్

విద్యా ! హానిని జేయును
మద్యమె, బలవర్ధకమ్ము మనుజుల కెల్లన్
విద్యాభ్యాసము జగతిని
విద్యకు నిల సాటిరావు వేయియు వృత్తుల్

ఛందస్సు- తేటగీతి నాలుగు పాదాల 'మొదటి' అక్షరాలు వరుసగా "ఏ - కా - ద - శి" ఉండాలి.

ఏరు వాకను సాగించి నారు పోయు
కాల మీ దినమ్మె ,రైతులు కాడి పట్టి
దరులు దున్నుచు భూమిని చాలు మధ్య
శి వుని దలచుచు విత్తులు  శీఘ్ర మేయు

కట్ల పాము చేరి కౌగి లించె

పాము బట్టు నతడు భయమను నదిలేక
కట్ల పాము చేరి కౌగి లించె
నవ్వి యేక దమరి యాదు కొనుచు నుండి
భుక్తి గలుగ జేయు భువన !తెలియు

శంకరార్యుల సలహా

శంకరార్యుల సలహాను సాదరముగ
నొప్పు కొనుచును నిత్తును దప్ప కమరి
వలయు సొమ్మును నావంతు పంపుడా ర్య !
"బ్యాంకు అక్కౌంటు " నెంబరు మఱువ కుండ

ఇతడితడే యితడె యితడె యితడీ తండే

మితముగ మాటలు బలుకుచు
సతతము నర్చించి శివుని సవిమల భక్తిన్
వితరణమును  గలుగు నతడు
ని తడితడే యితడె యితడె యితడీ తండే