శోధనజేయుచున్రుచులుజూడగజాడయొకండెమిత్రమా!

సాధననెంతజేసినను సత్కవులెల్లరిపద్యమాలికల్
బోధనజేయునట్లుగను బోడిమితోడనునుంటచే యవిన్
శోధనజేయుచున్రుచులుజూడగజాడయొకండెమిత్రమా!
యీధరణిన్ జనించుకవులెవ్వరెయైననునిట్లనేసుమా

చూడచూడరుచుల జాడయొకటె

చూడచూడరుచుల జాడయొకటెకాదు
చూడచూడరుచుల జాడవేరె
యనుచుజెప్పెవేమ నార్యుడుతనదుశ
తకమునందు వినరె?తనయులార!

శంకరుడుమకొఱకుపారిజాతముదెచ్చెన్

అంకమునే యిచ్చెనుగద

శంకరుడుమకొఱకు,పారిజాతముదెచ్చెన్ 

పంకజనాభుడుసత్యకు

సుంకముగా నిచ్చుకొఱకుసౌరికపువిరిన్ 

వడ్డించువాడుశత్రువా?తిననొప్పున్

లడ్డులు గారెలు బూరెలు
వడ్డించువాడుశత్రువా?తిననొప్పున్
వడ్డననుజేయు మనుజులు
బిడ్డలతోసము లెయండ్రు పెద్దలువినవే?

నీహారాద్రినినిప్పుకొండయని వర్ణింపంగనొప్పున్గృతిన్

నీహారాద్రినినిప్పుకొండయని వర్ణింపంగనొప్పున్గృతిన్
నాహాయేమని జెప్పనోపుదు నిటన్ యాయద్రిన్ వర్ణింపగా
బాహాటంబుగనిప్పుకొండయని దాబల్కంగన్యాయంబెరో
నీహారాద్రినిమంచుకొండగనెవర్ణింపంగనొప్పున్ సుమీ

నిప్పులకొండయనదగును,నీహారాద్రిన్

అప్పా,యరుణాచలగిరి
నిప్పులకొండయనదగును,నీహారాద్రిన్
నప్పరమాత్ముండగు భవు
డప్పార్వతితోడనుండు నార్తులగావన్

మంచముక్రిందజొచ్చెనభిమానధనుండు సభీతచిత్తుడై

ఇంచుకనీయగాచనవు నేకమయౌటకుసిద్ధమౌయెడన్
బంచనలీలగాగనగ బాహుబలాఢ్యునినొక్కనిన్వెసన్
మంచముక్రిందజొచ్చెనభిమానధనుండు సభీతచిత్తుడై
మంచిగనుండగోరుదును మానినులయ్యెడ నెల్లవారునున్ 

మంచముక్రిందన్జొరబడె మానధనుండే

ఇంచుక చనువునునీయగ
గంచుకమునుదాకుచుండ కాలునివోలెన్
బంచన గనిపించగబతి
మంచముక్రిందన్జొరబడె మానధనుండే

షట్పదమెప్పుడేనియునుఝంకృతిజేయునెపుష్పవాటికన్

షట్పదమెప్పుడేనియునుఝంకృతిజేయునెపుష్పవాటికన్
షట్పదిగూరిచిన్బలుకశాస్త్రపుసమ్మతమౌనెయద్దియున్
షట్పదమెప్పుడున్నలరిఝమ్మనురావముజేయునేగదా
తత్పటుపాటులేకయిక,తర్కములాడకయుండుమారమా!

షట్పదమొనరించునొక్కొఝంకారమ్మున్

పట్పటలాడుచుబలికితె?
షట్పదమొనరించునొక్కొఝంకారమ్మున్
షట్పదమేయొనరించును
దత్పటయే యేలమీకు తర్కములేలా?

రాతిరియందు,భాస్కరుడుప్రాగ్గిరిపైబొడసూపెజూడగన్

ప్రాతమునందుగన్పడుచుభాలువుడొయ్యన మాయమౌగదా
రాతిరియందు,భాస్కరుడుప్రాగ్గిరిపైబొడసూపెజూడగన్
జేతనరూపుడైమిగుల చిత్రవిచిత్రపు కాంతిపుంజమున్
భూతలమంతటన్విసరి భూప్రజకెల్లనుమోదమీయగా

రాతిరిభాస్కరుడువొడమెప్రాక్శైలముపై

భూతల మమెరిక యందున
రాతిరియటమారుకతన ప్రాతమువోలెన్
రాతిరె పగలుగ గానగ
రాతిరిభాస్కరుడువొడమెప్రాక్శైలముపై

కరములులేనివాడుచురకత్తులదూసెనుయుద్ధభూమిలో

తిరముగజేయజాలడుతదేకపుదృష్టిని నేపనిన్సుమా
కరములులేనివాడు,చురకత్తులదూసెనుయుద్ధభూమిలో
గరమగుసాహసంబుననుగాంతయొకర్తె శత్రుమూకలున్
జెరియొకవైపుపర్వులిడజేసెనుభీకరరూపమొందుచున్

కరములులేనట్టివాడు కత్తులుదూసెన్

కరమును నెయ్యముజూపుచు
సరసములేనాడుచుండ చతురతతోడ
న్నరసితె చిత్రము నేయా
కరములులేనట్టివాడు కత్తులుదూసెన్

కుత్సితుడైనవ్యక్తియె,తగున్గురువైజనసంస్తుతుల్గునన్

మత్సరమొందుచున్ప్రజలమధ్యన నుంటకుభీతినొందుగా
కుత్సితుడైనవ్యక్తియె,తగున్గురువైజనసంస్తుతుల్గునన్
మత్సరమెచ్చటన్గనకమాన్యతగల్గుచుమెల్గువాడునై
నుత్సుకగల్గగాభువినినోపికతోడనువిద్యనేర్పుచో

గుత్సితుడైనట్టివాడె,గురువననొప్పున్

మాత్సర్యంబుననుండును
గుత్సితుడైనట్టివాడె,గురువననొప్పున్
దాత్సారమదియలేకను
నుత్సాహముతోడవిద్యనుడివెడునతడే

కలికి! శివపూజజేయకు కార్తికమున

కలికి! శివపూజజేయకు కార్తికమున
గలనుగంటిరి కాబోలు ఖచ్చితముగ
లేనియెడలను నిట్లుగ లేమకెపుడు
చెప్పనోపరు గురువులు దప్పుగాను

పుస్తకచౌర్యమే యశముబొందగజేయు బుధాగ్రగణ్యులన్

పుస్తకచౌర్యమే యశముబొందగజేయు బుధాగ్రగణ్యులన్
బుస్తకచౌర్యమున్వలన బొందరుకీర్తిని నెవ్వరీభువిన్
బుస్తకధారణంబొకనపూర్వపుభాగ్యముగా దలంచుడీ
యాస్తులగంటెమిన్నసుమి యారనిజోతులుబుస్తకంబులే

పుస్తకచౌర్యమునగలుగుబుధులకు కీర్తుల్

ప్రస్తుతపు కవులు కొందరు
మస్తిష్కపుగుంజులేక మాన్యతరహిమిన్
పుస్తకపుట హరియించుత
పుస్తకచౌర్యమునగలుగుబుధులకు కీర్తుల్

ఘనవిఙ్ఙుండుగగీర్తిదెచ్చునుగదాగర్తవ్యవైముఖ్యమే

ఘనమౌ కార్యములెన్నియో భువినిసాకారంబుజేయంగసూ
ఘనవిఙ్ఙుండుగగీర్తిదెచ్చునుగదాగర్తవ్యవైముఖ్యమే
యనుమానంబిసుమంతయున్వలదు తాదాత్శ్యంబునొందంగనో
యనసూయావినువిఙ్ఞుడేధరనుదాధర్మంబుగాపాడుగా

విఙ్ఞుడననొప్పు,గర్తవ్యవిముఖుడెపుడు

విఙ్ఞతగలిగి వర్తించువినయమతిని
విఙ్ఞుడననొప్పు,గర్తవ్యవిముఖుడెపుడు
దిరుగుచుండును బనిపాటులరయకుండ
పూటకొకయూరుసోమరిపోతువోలె

హితబోధలవినెడివారికే,కీడొదవున్

సతతము శుభములు గలుగును
హితబోధలవినెడివారికే,కీడొదవున్
మతిహీనులపలుకులువిని
యతిగావర్తించునెడల నదియేమనకున్

రాజ్యమురాజధాని గనరానిదిరాజెటనుండియేలునో

రాజ్యమురాజధాని గనరానిదిరాజెటనుండియేలునో
రాజ్యముభోజ్యమౌవిధము రాజులపాలననుండుచోభువిన్
రాజ్యమురాజధానిగనరావుగరాజులకేరికిన్సుమా
భోజ్యముజేయువారలకు పుట్టదురాజ్యపువృద్ధిజేయగన్

రాజధాని లేనిరాాజ్యమయ్యె

ఆంధ్రరాష్ట్రమిపుడ యరయగ బ్రజలార!
రాజధాని లేనిరాష్ట్రమయ్యె
నరకొరగను గట్టియాపివేయుఘనత
చంద్రబాబునకిల సార్ధమయ్యె

వ్యాధిని న్యాయవాదియెనయంబొనరించును.....గ్బలంబునన్

మేధనుసానబెట్టియునుమీరకహద్దులనెల్లవేళలన్
శోధనజేసిన్యాయమగుసూత్రములన్నియు జెప్పువారునున్
బాధలుదీర్చువారనుచువ్యాజ్యము జెప్పినచోదగన్
వ్యాధిని న్యాయవాదియెనయంబొనరించునువాగ్బలంబునన్

వ్యాధినయమొనర్చు న్యాయవాది

వాదనలను జేసి పలువిధమ్ములుగను
బ్రజలమనసుమిగుల రంజిలునటు
మంచితీర్పునిచ్చి మానసికంబగు
వ్యాధినయమొనర్చు న్యాయవాది

గనుగొనిభార్యనంతవడకెందొడగెంబతిభీతచిత్తుడై

అనయముజిందులాడుచునునారడివెట్టుచునుండుదావెసన్
గనుగొనిభార్యనంతవడకెందొడగెంబతిభీతచిత్తుడై
కొరకొరలాడుచుండుచునుగోపముతోడనునూగుచుండగా
వెరవదిలేకచిత్తమున వేంకటనాధునినాశ్రయించెనే

భార్యనుగనినంత భర్తవడవడవడకెన్

భార్యనుదక్కువజేసియు
నార్యా!పలుకంగనిట్లు న్యాయమె మీకున్
గర్యలలోజూచితె?యే
భార్యనుగనినంత భర్తవడవడవడకెన్

కొల్వగాదగదు కార్తికమాసమునందు శంకరున్

ఇలనరయంగనేర్వుమిక నీశుని కిష్టపుమాసమౌటచే మలినముతోడనుండునెడమానినులెవ్వరుబూలతోడయో కలికిరొ!కొల్వగాదగదు కార్తికమాసమునందు శంకరున్ గలిములునీయునాతడును,గైటభదైత్యునివైరి మిత్రునిన్ 

ధర్మచ్యుతులకెశుభములు తప్పక గలుగున్

కర్మలు సేయుచు శుద్ధిగ
ధర్మమునేవిడువకుండ దానాదులనున్
నిర్మల మనసున జేయున
ధర్మచ్యుతులకెశుభములు తప్పక గలుగున్

వస్తాలే వినిపిస్త పద్యశతకంబస్తాడుపేలాలకున్

ముస్తాఫా!యిటకెప్డువస్తవు భయా!మూర్తంబుజూసిండువా?
వస్తాలే వినిపిస్త పద్యశతకంబస్తాడుపేలాలకున్
బస్తాల్ గొద్దిని నుండెనిచ్చటసుమావస్తావ?పేలాలువే
యిస్తా రమ్మికవేగమేయిటకుఱేయింబ్రొద్దు నేజూతుగా

బస్తెడుపేలాల నిస్తె పద్యంచెప్తా

ఇస్తా యడుగుము నాయన
బస్తెడుపేలాల నిస్తె పద్యంచెప్తా
మస్తుగ నాహ్లాదించుము
ముస్తాఫా! శ్రద్ధవినిన మోదముగలుగున్

జదువనిబాలబాలికలె జాతికికీర్తిగడింతురెల్లెడన్

చదువగరానివాటికినిశ్రద్ధనుబెట్టుచు నెల్లవేళలన్
జదువనిబాలబాలికలె జాతికికీర్తిగడింతురెల్లెడన్
జదువదియుండ నొప్పునిక సారమునంతయునొప్పుకోలుగా
మదికినిజేరునట్లుగను మాన్యతనొందగ నుంటమేలుగాఖీ

చదువని బాలలె గడింత్రు జాతికి కీర్తిన్

చదువున కర్హతమైనవి
చదువుచుదగుశ్రద్ధతోడసత్పురుషుండై
చదువగరానివి యెప్పుడు
చదువని బాలలె గడింత్రు జాతికి కీర్తిన్

శుభములుగల్గుగాక!

అభయమునిచ్చురామునకునన్నిప్రదేశములందుదప్పకన్
శుభములుగల్గుగాక!ఖలచోరవిటాళికిశిష్టులౌననన్
నభవునిశాపముండుటను నార్తినిగ్రుంగుచు నంత్యమందునన్
విభవములన్నినూడ్చుకొనివేగతిబోవునుసోమశంకరా!

శుభములులభియించుగాక చోరవిటులకున్

విభవములు గలుగు చోటున
శుభములులభియించుగాక చోరవిటులకున్
నభములు శుభములు దెలియని
ప్రభులనుదాదోచుకొండ్రు పగలును ఱేయిన్

మనబడులందికన్జదువుమానుటెయొప్పగుమాతృభాషలో

మనబడులందికన్జదువుమానుటెయొప్పగుమాతృభాషలో
ననుటనునొప్పుగాదిలనుహర్షముజెందరులోకులెవ్వరున్
వినుమది నేనుజెప్పుదునుబేర్మినినేర్వగమాతృభాషలో
ననువుగనర్ధమౌచునటయడ్డులులేకనుసాగిపోవుగా

మాతృభాషలోజదువుటమాాాానుటొప్పు

ఉండగోరిన నమెరికా ఖండమందు
మాతృభాషలో జదువుటమానుటొప్పు
మాతృభాషకు బదులుగ మాండలికపు
నాంగ్లభాషను జదువుట యరయమేలు

ప్రతిభలేనివాడె పండితుండు

ప్రతిభలేనివాడె పండితుండనుటను
నిజముకాదుసుమ్ము నీరజాక్షి!
పండితుండు సతముబ్రతిభావంతుడై
గారవింపబడును గవులజేత

ప్రజలెల్లరురోసిరయ్యొ పద్యమ్ములనే

గజిబిజి భావమ్ములతో
ఋజుమార్గములేకయుండ యిప్పటికవులే
కుజనులుగావ్రాయుచుండ
ప్రజలెల్లరురోసిరయ్యొ పద్యమ్ములనే

ధర్మమువీడువారలకు,తప్పకగల్గునుశాంతిసౌఖ్యముల్

కర్మలు చాలచేసినను గానగరావుగబుణ్యకార్యముల్
ధర్మమువీడువారలకు,తప్పకగల్గునుశాంతిసౌఖ్యముల్
ధర్మము దప్పకుండగను దాచరియించుచు నెల్లవారినిన్
ధర్మమువైపుద్రిప్పుచును ధార్మికబోధన జేయువానికిన్
----
పోచిరాజు సుబ్బారావు
హైదరాబాదు

Nagaraju

చిన్మయాకారుడైనట్టిచిన్నబావ నెల్లవేళలధ్యానించియుల్లమలర మాసమాసమ్ము విడువకభక్తితోడ చేయదగునట్టి సేవనుజేసినావు తగినపుత్రుడవైతివాతండ్రికిలను జెప్పుచేతలమెలగుచునెప్పుడునుసు వలయుసేవలుమఱువకప్రమదమలర చేసితివిగదశ్రధ్ధనుశీఘ్రముగను ఎన్నిసేవలుసేసిన నెంతయీయ తల్లిదండ్రులఋణములుదనయులకట తీర్చనేర్తురె జీవమ్ము దీరులోపు కనుమునిస్స్వార్ధసేవయే కదతలపను భర్తకుదగినభార్యయీపార్వతమ్మ యతని యడుగుజా డలనుదాననుసరించి నడచుకొనియెడునుత్తమనారియామె పిల్లలిద్దరుచక్కటివినయవతులు సకల శుభములుగలిగించు శంకరుడు నాయురారోగ్యసంపదలన్నియిచ్చి కంటికినిఱెప్పయట్లయికాచుగాత! యెల్లవేళల మిమ్ములజల్లగాను

అన్నప్రాసన మాచరింప హితమౌ,నాఱేండ్లకున్ సద్విధిన్

అన్నా!యెప్పుడుగూడమూడవనెలన్ హర్షంబులింపారగా
నన్నప్రాసన మాచరింప హితమౌ,నాఱేండ్లకున్ సద్విధిన్
మిన్నున్నంటగ సంతసంబులుగడున్ మీరంగ జేర్పించుచో
జిన్నిన్ ,బాఠమునేర్వగాబడినిదా నేర్చున్ సువిద్యాదులన్

అన్నప్రాసనముజేయు డాఱవయేటన్

అన్నా!మూడవనెలలో
నన్నప్రాసనముజేయు డాఱవయేటన్
జెన్నుగ బడిలో వేసిన
మిన్నంటును జదువులందు మీకంటెనుసూ

కలువ కత్తి దండ కార్ముకములు

కలువ దండ కత్తి కార్ముకములనుట
బదులుబలికెనిట్లు భరణి!వినుము
కలువ కత్తి దండ కార్ముకములనుచు
దికమకగను దెలిసిదెలియకమ్మ!

చలికాలమునవడదెబ్బచప్పునతగిలెన్

లలనా!వినుమీపలుకులు
చలికాలమునవడదెబ్బచప్పునతగిలె
న్నిలనెన్నివింతలింకను
గలియుగమునజూడవలయుగలిప్రభుచేష్టల్