మాట లన్ని నీటి మూట లయ్యె

‘ఎన్నికల సమయము నెన్నియో. వాగ్దాన
ములను  బలికి  పిదప  ముఖము  కూడ
చూప బోరు  సామి ! చోద్యము  గద !వారి
మాట లన్ని  నీటి  మూట  లయ్యె

పద్య రచన -అంగ వైకల్యము -చిత్ర రచన

అంగ వైకల్య మయ్యును నతని  జూడు
గీయు చుండెను  జిత్రము  వాయి తోడ
కార్య దక్షుడు గావున  కరము లేమి
రాధ  మఱి యును  గృష్ణుని రమ్య ముగను
కుంచె తోడన  జిత్రించె కోమలముగ

పద్య రచన -కుమార స్వామి

వల్లి దేవసేనల నిరు వైపు లునిచి
నెమలి  వాహనా రూ డు డై   నెమ్మి తోడ
నిలను  వేంచేసి  యుండిన  నీ కు  మార
సామి  కిడుదును  వందన  శతము లిపుడు

హరిని పూ జింత్రు నాస్తికు లనవరతము

భక్తి యుతముగ నిరతము  భక్తు లవని
హరిని  పూ జింత్రు , నాస్తికు లనవరతము
దైవ దూషణ  గావింత్రు  దయ్య మనుచు
వారి  సంస్కార  మదియౌను  వారి జాక్షి !

మలమది రంజింప జేయు మన మనములనే

తలపగ సుమమన బహుకో
మలమది రంజింప జేయు మన మనములనే
సెల యేరుల సవ్వడి వలె
న లలల వలె దేలి యాడు నానందము తోన్

పద్య రచన -అర్ధ నారీ శ్వరుడు

సగము భాగము పురుషుడు సగము వనిత
గాను  రూపుది  ద్దబడెను గనుము  బాల !
అర్ధ  భాగము  పార్వతి యర్ధము మృ డు
నివలె చిత్రము  గలదట  నిజము గాను

అక్కఱకు రావు నీతి వాక్యములు మనకు

చెడ్డ కాలము దాపురిం  చెడు స  మయము
వచ్చు నెడలను ,నెవ్వరు  బాగు కొఱకు
నెంత చెప్పిన మనకవి యింత గూడ
అక్కఱకు రావు నీతి వాక్యములు మనకు