మండుటెండలోగురిసెను మంచుజల్లు

తెలుగు రాష్ట్రాల దాహము దీర్చు కొరకు
మండుటెండలోగురిసెను  మంచుజల్లు
లవలెవర్షము వడగండ్ల రవము తోడ
హాయి నొందిరి జనముల య్యవసరమున

రతిపతి మన్మధుడు,గాడుబ్రహ్మయె తలపన్

రతిపతి యెవరని నరయగ
రతిపతి మన్మధుడు,గాడుబ్రహ్మయె తలపన్
 హతవిధి! యనకుమ యట్లని
పతిదేవుడు వాణికతడు పరమాత్ముండున్

మునిసహవాసమంది సతిపొందె ముదంబున పుత్రులిధ్ధరన్

అనయము సేవజేయగ నుహర్షముదోడనదానుమౌనికిన్
మునియునుదుష్టబుధ్ధిని దపోనియమంబును దామరల్చగా
మునిసహవాసమంది సతిపొందె ముదంబున పుత్రులిధ్ధరన్
 మునియనునాతడెప్పుడుతమోగుణమొప్పగ దాచరించుగదా

మునిసాంగత్యమున నారిపుత్రులగనియెన్

వినయము గలిగిన నొకసతి
యనయముదాసే వ జేయ హర్షముతోడన్
 ముని కాముకుడగుటననా
మునిసాంగత్యమున నారిపుత్రులగనియెన్

డాండడ డాండాండడాండ డామ్మనె,వీణల్

మెండుగ టపాసు లక్కడ
డాండడ డాండాండడాండ డామ్మనె,వీణల్
 గండర గండర యనుచును
పండితులే మెచ్చువిధము బాగుగ మ్రోగెన్

గోరుచుట్టు

గోరు చుట్టు కతన కొంచెమైనను వ్రాయ
లేక పోతి సామి! యొకటియైన
నిప్పు డిపుడె వాపు నెమ్మదిం చుటవల్ల
వ్రాాయ గలిగి తిదియ వాస్తవముగ

నడక హానికారకము మానవుల కెపుడు

నడక హానికారకము మానవుల కెపుడు
కాదు ,నడక కలుగ జేయు గాయమునకు
మంచి యారోగ్య మటులనె  నంచిత మగు
బుధ్ది కుశలత యేర్పడు బుణ్య పురుష !