పాదమ్ములు లేని నరుడు పరుగిడ జొచ్చెన్

మీదకు రానేరడు గద
పాదమ్ములు  లేని నరుడు , పరుగిడ జొచ్చె
న్నీ దరి కాదరి కా తడు
వేదన మఱి  దాళ లేక వీ రడు  మిగులన్ 

దానిమ్మ

చూడు దానిమ్మ ఫలమును  చూడ్కు లలర
గింజ లుండెను  ము త్యపు  గింజ వోలె
తినుట మొదలిడ నోరంత  తీపి  గలిగి
మంచి రుచి నిచ్చు నయ్యది  ,మంచి  ఫలము 

కొడుకు పుట్టె సన్యాసికి గురువు కృపను

నాదు  సోదరి గిరిజకు  నల్ల గాను
కొడుకు పుట్టె , సన్యాసికి గురువు కృపను
ముక్తి గలుగగ  జేరెను  మోక్ష పధము
గురువు దయలుండ  సాధించు  కొనగ  గలము 

తెలుగు పద్యము

తెలుగు పద్యపు  భావమ్ము  తీ యనగుచు
సంతసమ్మును  గలిగించు  జదు వరులకు
అందువలనతా  ననియెను  నాంధ్ర భోజు
డైన  రాయలు  మఱి లెస్స  యైన  దనియు
 

సతి సతి గవయంగ సంతు గలిగె

కలుసుకొనిరి  విందు గలుగు చోటన  మఱి
సతి సతి  గవయంగ  సంతు గలిగె
భార్య మరియు  భర్త బహు దినంబులు నట
సహజ మీయది  యిక  జగము నందు
 

లోభి

తాను  దినడు  మఱి ని  దాచు సంపద మొత్త
మంత , పెట్ట డితర  మనుజు లకును
లోభి గుణ మదియ   లాభ మేమియు లేదు
వ్యర్ధ మతని  బ్రదుకు  వసుధ లోన 

భాగ్య నగరమ్ము హైదరాబాదు కాదు

ఇందు  సందేహ  మేలనో  నిదియ నిజము
భాగ్య నగరమ్ము  హైదరాబాదు, కాదు
అనిన నొప్పదు ముమ్మాటి కదియ సుమ్ము
కంది  శంకర ! నమ్ముడు  కల్ల కాదు .