ఆత్మ హత్య వలన నబ్బు ముక్తి

పాప మొదవు భువిని పరమాత్మకును నైన
ఆత్మ హత్య వలన ,నబ్బు ముక్తి
భక్తి శ్రద్ధ తోడ బరమేశు  బూజించ
సంది యంబు వలదు సుంత యైన

నిషిద్ధాక్షరి - అంశం- శిశుపాలవధ. నిషిద్ధాక్షరము - శ. ఛందస్సు - తేటగీతి.

రాజ సూయయా  గంబున రాజు లెదుట
చేది రాజట  కృష్ణుని వేదనలకు
భూరి గురి జేయు   కతనన నూఱునైన
తప్పులకును ఖం  డించె న  తని త  లనట 

పద్య రచన -మార్కం డే యుడు

యముని పాశము దనయొద్ద  నగు బడంగ
దనర భక్తు డైన మృకండు తనయు డప్పు
డా శ  శిధరుని బ్రార్ధించ , యముడు మరిని
కాలు సాక్షాత్క రమ్మును గనుల గాంచి
యంజ  లిం చెను భక్తిని   హర్షమునన

రసమయ కావ్యమ్ము జనుల ప్రాణము దీ సెన్

అసువుల మఱి నిల బెట్టును
రసమయ కావ్యమ్ము జనుల ప్రాణము దీ సె
న్నసమాన నాయకుండును
బసగల వైయస్సు మృతియ  వగపులు గలుగన్ 

పద్య రచన -బీరకాయలు

చిత్ర మందున బెట్టిరి చెలువు గాను
బీరకాయలు లేతవి యాఱు  చూడు
నచ్చి , వాటిని కసకస నమలి  మ్రింగ
నూరు చున్నది నానోరు మేరి ! కంటె

దత్తపది - 66. కల్లు - నీరా - సారా - సుర పైపదాలను ఉపయోగిస్తూ మద్యపాన నిషేధం గురించి

మద్య పానము మానుము మాన వుండ !
దాని వలనన  గలుగును హాని మనకు
కల్లు సారాయి నీ రాల గలుగు మత్తు
సురను  గూడను ద్రాగుట మరచి పొమ్ము
బాగు పడునిక  నిజమునీ  భాగ్య రేఖ

మనసారా నేగోరుదు
ననయము నీ సురను   మఱియు  హానౌ కల్లున్
వినుమవి  దరి రానీయకు
తనువిది నీరా  కకొఱకు  తహతహ లాడెన్

పద్య రచన గాంధీ జీ

జాతిపితగనుబేరొంది జగమునందు
సత్యము మఱియు నాయహింసా పథమ్ము
నెఱపి యాంగ్లరాజులమఱి తఱిమి కొట్టి
తెచ్చె రాజ్యము మనకు గా  దెగువతోడ

అంగ వస్రము ధరియించి యచట యుండి
వడకు చుండెను దారము బాపు    మిగుల
శ్రద్ధ తోడన గనుడా ర్య ! చక్ర మునట
ద్రిప్పు చుండగ గిరగిర  దిరుగు చుండె