నారద ముని సత్తమునకు నలువురు భార్యల్

ఆరయ భక్తియు కలహము
నారాయణు గాన మదియ జ్ఞానము లవియే
యూరా యనునటు గలుగుత
నారద ముని సత్తమునకు నలువురు భార్యల్

తనయుడె తండ్రికిన్ దలను దన్మయ మొందగ గీకె నవ్వుచున్

అనయము ద్రాగు చుండియు సహాయము జేయక దిర్గు చుండగా
తనయుడె  తండ్రికిన్ దలను దన్మయ మొందగ గీకె  నవ్వుచున్
వినుముర దండ్రు లెప్పుడు వివేకము తోడను మెల్గుచో మరిన్
దనయులు వారి కిత్తురు గ ధైర్యము , ద్రా గక నుండు మార్గమున్

తనయుడె తల గొఱిగి నాడు తండ్రికి సుమ్మీ

వినుమా  సోదర ! యియ్యది
తనయుడె  తల గొఱిగి నాడు తండ్రికి సుమ్మీ
వినుటను  జరిగినె  నిట్లుగ ?
మునుపెన్నడు గాని  నీకు  మోమిడి  చెపుమా !

గరుడుని చూచి నంత హరి గ్రక్కున మ్రొక్కె వినమ్ర మూర్తియై

ఇరవని జాటు మార్గమును నెంచుకు బోవుచు నుండగా నటన్
గరుడుని చూచి నంత హరి గ్రక్కున మ్రొక్కె వినమ్ర మూర్తియై
పరమ విరోధి దానగుట పాము భయంబును నొంది   యత్తఱి
న్న రయగ సాజమే గద వినమ్రతగాను జరించు టి ధ్ధరన్

గరుడుని హరి చూచి నంత గ్రక్కున మ్రొక్కెన్

ఇరవుగ  రమ్మని బిలిచెను
గరుడుని హరి చూచి నంత, గ్రక్కున మ్రొక్కెన్
గరుడుడు వచ్చుచు నతనికి
పరమాత్మా !వందనములు బాయకు  నన్నున్

శంకరార్య!

లలిత పదజాల ములతోడ లహరి వోలె
సాగె మీయది కవనమ్ము  శంకరార్య!
యేమి భాగ్యము మాయది యీపుడమిని
మీకు శిష్యుల మైతిమి మేము  మరిని

శుభాకాంక్షలు హేవిళంబి

క్రొత్త వ త్స రమ్ము  కోరి రాగంగను
బ్లా గు  కవుల కిత్తు  వందనములు
హేవిళంబి మీకు హితము నొసఁగు గాక !
వత్స రమ్ము పూర్తి వరకు  ధరను