తరువులన్ రక్ష సేయుట తగని చర్

తరువు మూలాన లాభాలు  దండి గలుగ
తరువులన్ రక్ష సేయుట తగని   చర్య
యనుట నుచితమే ?మీకునో యమ్మ ! యరయ
పెంచ వలయును వాటిని నంచితముగ

ఆడ మగ,పిన్న పెద్దల యంద రిపని
తరువులన్ రక్షసేయుట ,తగనిచర్య
యాకు పిందెలు గాయలయలరినట్టి
కొమ్మ నరకుట యేరికి సుమ్ము సామి!

గురువారమ్మని పిలువగ గుపితుండయ్యెన్

గురువారంబును బిలుతురు
గురువారమె యనుచు జనులు కోమలి ! యవునా ?
నరయగ నేలకొ  మిత్రుడు
గురువారమ్మని పిలువగ గుపితుండయ్యెన్

 గురువారంబునసాయిని
గురుతరమగుభక్తితోడ గొలుతురు జనముల
ల్లిరవుగ మనమును బోదమ?
గురువా! రమ్మనిపిలువగ గుపితుండయ్యెన్

 నరకాసురసంహారము
కరమునుసంతసముతోడ గావించిరట
న్నరయుదముమనము సైతము
గురువా!రమ్మనిపిలువగ గుపితుండయ్యెన్

కాణిపాక వరసిద్ధి వినాయక స్వామి

 1. బావిని నీవుగావెలసి భక్తజనాళి హృదంతరాళముం

     దావులనింపినావుగద ధన్యతగూర్చుచు కాణిపాకము

     న్నోవర సిద్ధినాయకుడ! మోదకహస్తుడ!మూషికాధిపా!

     కావుమ మమ్ముసంతతము గౌరిముఖాంబుజ ద్వాదశాత్ముడా!

 2. ఇష్టము నీకనిన్నిల గణేశుడ! తీయనినిక్షుఖండముల్

     కష్టమెయైన దెచ్చితిని గైకొనివాని దయార్ద్రచిత్తతన్

     స్పష్టపు యోచనల్గలుగ చక్కని బుద్ధిని నాకొసంగుమా

     నిష్ఠగ నిన్నుగొల్తునిక నీరజనాభుని మేనగుర్రడా!

3. రైతు పొలాననీవు కడు రాజసమింపెసలార బావిలో

     చేతమురంజిలం దమదు సేమముగోరుచు నుద్భవించితో

     భూతగణాధినాధుని సుపుత్రుడ!షణ్ముఖ సోదరా ! మహ

     ర్జాతక! కాణిపాకనగరాధిప! నీకివె మానమస్కృతుల్.


 వందే గణనాయకమ్.


1. ప్రథమ తాంబూలమర్పించి ప్రాంజలింతు

    విఘ్నరాజుగ స్తుతియించి వేడుకొందు

    కార్యమేదేని తలపెట్టి ఘనతజెంద

    దొడ్డగణపయ్య ననుగావు దురితహరణ!


2. అమ్మ పార్వతి మలచిన బొమ్మవీవు

    అయ్య కరుణరేఖల వెనకయ్యవీవు

    పందెమందున తమ్ముని ప్రక్కనిడిన ...దొడ్డ.....


3. నిన్ను పరిహాసమాడిన నేరమునకు

    శాపమందెను నిర్దయ చంద్రుడపుడు

    ఘనత మీరగ సతతంబు గారవింతు...దొడ్డ.....


4. మాతపితలను సేవించు మార్గమొకటె

    సకలసౌఖ్యాల గనియంచు చాటినట్టి

    జ్ఞానివీవయ్య  వెనకయ్య!మానితుండ!...దొడ్డ.....


5. ఇర్వదొక్కటి పత్రాల నింపుగాను

    పూజలందుచు భక్తుల మోదమలర

    మోక్షమందించు పరమాత్మ! పుణ్యపురుష!...దొడ్డ...


6. గరికపూజకె ముదమంది దురితములను

    పారద్రోలెడు పరమాత్మ! భవ్యచరిత!

    కార్యసిద్ధిని గూర్చెడు ఘనుడవీవు...దొడ్డ...


7. మోదకంబుల నర్పింప మోదమంది

    వెనుకముందులుజూడక మనుజులకును

    సర్వవిజయాలు గూర్తువు సాధువదన!..దొడ్డ...


8. గర్వపడినట్టి తమ్ముని గర్వమణచి

    వినయశీలంబె సర్వత్ర విజయమంచు

    చాటిచెప్పిన ఘనుడవు మేటివయ్య!..దొడ్డ...


9. సర్వసైన్యాధిపత్యంపు సాధనాన

    నీవు జూపిన ప్రజ్ఞకు నీరజాక్ష!

    మిగుల నాశ్చర్యమొందెను మిన్ను మన్ను..దొడ్డ...


10.పంటలన్నియు సతతంబు పాడుసేయు

     ఎలుక మీదను నీవుండి యెఱుకగూర్చి

     జ్ఞాననేత్రంబునిచ్చిన జ్ఞానివీవు.

     దొడ్డ గణపయ్య ననుగావు దురిత హరణ!




[

సరసీరుహ నేత్రకొక్క స్తనమే కనుమా

సరసుండగు నొక పెనిమిటి
కరమున నొక చన్ను దాచి కాంతను బలికె
న్నరసితె  భామా ! యిపుడీ
సరసీరుహ నేత్రకొక్క స్తనమే కనుమా

గాజులు గల్లుగల్లనగ గవ్వడి గాండివ మెత్తె గృద్దుడై

ఆజిని శత్రు సైన్యములనందరి పీకలు గత్తిరించగా
రాజుల భార్యలున్స మర ప్రాంగణ మందున నేడ్వ నత్తఱిన్
గాజులు గల్లుగల్లనగ గవ్వడి గాండివ మెత్తె గృద్దుడై
వాజిని వేగవంతముగ బర్వులు బెట్టగ జేసె నయ్యెడన్

గాజులు గల్లనగ గ్రీడి గాండివ మెత్తెన్

ఆజిని నుత్సాహంబున
రాజుల గర్వo బు  లుడుగ రహితో జెలగన్
రాజుల పత్నుల హస్తపు
గాజులు గల్లనగ గ్రీడి గాండివ మెత్తెన్

ద్రౌపది మెడలో గృష్ణుఁడు తాళి గట్టె

తాళి గట్టిరి  పాండవుల్దల్లి చెప్ప
ద్రౌపది మెడలో, గృష్ణుఁడు తాళి గట్టె
సత్య భామమొద లుగాగ సతుల కార్య !
యష్ట మహిషుల బేరన నాఖ్యు లైరి

వరమే పదితలలవాని ప్రాణము దీ సెన్

వరములు శివుడే  యీయగ
గరువముతో సురల మునుల గాసిలి వెటుచున్
పరకాంతా మోహపు కా
వరమే పదితలలవాని ప్రాణము దీ సెన్

పార్ధ సారధి పరిమార్చె బాండవులను

శి ష్ట రక్షణ కొఱకునై దుష్ట జనుల
బా ర్ధ సారధి పరిమార్చె  బాండవులను
గంటికిని ఱెప్పయటు లను  గాచి యెపుడు
పక్ష పాతిగ బే రొం దె బాండ వులకు

ఎలుక వడకెవి నాయకు డెక్కుననుచు

ఎలుక వడకెవి నాయకు డెక్కుననుచు
మూషికపువడ కుసహజ ముగద యరయ
యంట బరువుగ ల్గునతని  వింతగాదె?
మోయ నేరికై ననుధర మురళి! చెపుమ!

సూర్యా!

కెరటాలవోలె సాగెను
కరమునుసౌందర్యమొప్ప కవనము సూర్యా!
యరసితి మాశుభవాక్యము
మురిపెముతో మీకునిత్తు మోదక శతముల్

రామ భద్రునకు న్ ధర్మ రాజు సుతుడు

రామ భద్రునకు న్  ధర్మ రాజు సుతుడు
పొసగునే యిది పుడమిని పుణ్య చరిత !
వేరు  వేరైన యుగములు  వారివికద
చింత జేయగ  మనకిది వింత గొలుపు

పాలిచ్చిన తన జనకుని భజియింపవలెన్

పాలన భాగము తెనుగున
పాలిచ్చిన తన జనకుని భజియింపవలెన్
బా లీయని  తన జనకుని
చాలరు పోషింప భువిని సంతృప్తిగగన్

హింసకు బాల్పడెడివాడె హితమును గూర్చున్

కంసుని సోదర తుల్యుడు
హింసకు బాల్పడెడివాడె, హితమును గూర్చున్
గం సారి నెల్లవేళల
శం సనమున్ జేయు నెడల సాత్విక బుధ్ధిన్

మానవుడే దానవుడు నుమాధవుడయ్యెన్

కానని దౌష్ట్యము జేసెడు
 మానవుడే  దానవుడు, నుమాధవుడయ్యె
న్నానగరాజు దుహిత నట 
గానగనే మరులు గొనగ గా రణ మగుటన్

మత్తు మందు సేవించుట మంచిదె కద

మత్తు మందు సేవించుట మంచిదె కద
మంచి దెన్నటికినిగాదు మత్తు మందు
హేయమైనది సేవన మార్య ! నిజము
దాని జోలికి బోయిన దారితప్పు

గురువుల పదసేవ జేయ గూడదు శిష్యా !

నిరతము జేయుటవ శ్యము
గురువుల పదసేవ, జేయ గూడదు శిష్యా !
గురుపత్నిని మోహించుట
నెరపుమ యీరెండు నీవు నిరతము భువినిన్

విజయ సారధి జన్మించె విపిన మందు

కటిక చీకటి గలయట్టి ఖైదు లోన
విజయ సారధి జన్మించె, విపిన మందు
జంతు జాలము వసియించు వింత గొలుపు
రకరకంబుల గూతల  రవళి తోడ

కాముడు వెన్నెనలు గురిసె గంతుడు మెచ్చన్

కాముడుగంతుడు నొకరే
కాముడు వెన్నెనలు గురిసె గంతుడు మెచ్చన్
 గాముడు వెన్నెల గురియగ
నేమీ కంతుండు మెచ్చె నెట్లుగ సామీ!

అంశము- స్వాతంత్ర్య దినోత్సవ వేడుకలు ఛందస్సు- తేటగీతి స్యస్తాక్షరములు... మొదటి పాదం మొదటి గణం మొదటి అక్షరం 'స్వ' రెండవ పాదం రెండవ గణం మొదటి అక్షరం 'తం' మూడవ పాదం మూడవ గణం మొదటి అక్షరం 'త్ర' నాల్గవ పాదం నాల్గవ గణం మొదటి అక్షరం 'ము'

స్వర్ణ మయముగ జేయంగ సాహసించి
యరుల తంత్రాలు పసిగట్టి యడ్డువైచి
వాహబహువిచి త్ర ముగను  వరములిచ్చి
మోడి వర్యులు  బ్రజలకు ముదము గూర్చెg

కుంతీ పుత్రుడు ,వినాయకుడు గద శిష్యా !

వింతగ బుట్టిన కొమరుడె
కుంతీ పుత్రుడు ,వినాయకుడు గద శిష్యా !
కంతుని శత్రువు కొడుకే
వింతేమీ లేదురమ్య! వివరణగోరన్

ద్రోహుల శిక్షించుట ఘన దోషము గాదే

ద్రోహులు భువి శిక్షార్హులు
ద్రోహుల శిక్షించుట ఘన దోషము గాదే
బాహాటముగా జెప్పుదు
దోషుల శిక్షించుట దియ తోరము మేలే

తమ్ముని కొడుకు పెండ్లికి దగదు చనగ

తమ్ముని కొడుకు పెండ్లికి దగదు చనగ
నెందు లకుదగ  దు చనగ ? నెప్పు డైన
మిమ్ముల  నవ మానించె నా ? మిక్కిలిగను
గాని యెడల నే గుట బాగు  గాదలంతు

దత్తపది ;;;వడ -పూరి -గా రె -అరసె రామాయణార్ధము

వడవడ రాళ్ళను వేయగ
గడునరసెనుగపులుగారెగణగణమనుచున్
 వడిజలములుబూరించుచు
వడివడిగాగోతులన్నివారధిగట్టెన్

జారుల జూచి భక్త జన సంఘము మ్రొక్కెను ముక్తి కాంక్షతో

జారుల జూచి భక్త జన సంఘము మ్రొక్కెను ముక్తి కాంక్షతో
జారులలో గనంబడెను శారద మాతయె వారికప్పుడున్
బారము పొందగోరి యట భక్త జనంబులు మ్రొక్కి రయ్యెడన్
గోరిన వాంఛలన్  భువిని గూరిమి దోడన దీర్చు నామెయే

రూపసిని జూచి నట్టి కురూపి నవ్వె

రూపసిని జూచి నట్టి కురూపి నవ్వె
రూపసిని జూచినట్టి కురూపి యేడ్చె
రూపసికి యందము దనకు రూపులేమి
తనరు గుణము ప్రధానమందమును గంటె

భారతమువ్రాసి,వాల్మీకివాసికెక్కె

వాసికెక్కిరిముగ్గురుపండితులిల
భారతమువ్రాసి,వాల్మీకివాసికెక్కె
రామచరితమురచియించి రమ్యముగను
సంస్క్రుతంబున జక్కటి శబ్దతతిని

నవమి నాడు ర క్షా బంధనమ్ము వచ్చు

వచ్చు రాముడు పుట్టినబ్రముఖ దినము
నవమి నాడు ,ర క్షా బంధనమ్ము వచ్చు
తిథియ శ్రావణ పూర్ణిమ దినము నాడు
ముఖ్య మైనట్టివే యవి మురళి !మనకు

మాధ వుడే కీర్తి నందె మదనాంతకుడై

బాధితుల కండ నగుచును
మాధ వుడే కీర్తి నందె , మదనాంతకుడై
గాధల యందున మిగులను
మాధవుగావాసికెక్కె  మనకందఱకున్

కాంతుడులేనివేళ గలకంఠి పకాలున నవ్వె నెందుకో

కాంతుడులేనివేళ గలకంఠి పకాలున నవ్వె నెందుకో
కాంతుని చేష్టలే మనసు గ్రమ్మగ మాటికి నవ్వెనేమొసూ
కాంతునిధ్యాసయే గలుగు కాంతుడుదూరమ యైనచోగదా
కాంతలకెప్పుడున్మదిని కాంతుడె యుండును దండ్రిగంటెనే