రామ యనెడి నోరు ఱాతి రోలు

రామ యనెడి నోరు,  ఱాతి రో లును రెండు
మేలు జేయు మనకు  బాల! వినుము
ముక్తి నిచ్చు  నిజము  మొదటిది ,. ఱోలుతో
పప్పు రుబ్బ వచ్చు  బాగు గాను
 

పరశురాముడు నిర్జించె పాండవులను

రాజు లనబడు ప్రతి యొక్కరాజు నిలను
పరశురాముడు నిర్జించె ,పాండవులను
పంపె నడవికి జూదాన పణము గెలిచి
దుష్ట దుర్యోధనాదులు దుష్ట మతిని 

తండ్రీ రమ్మనుచు బిలిచె దరుణి తన పతిన్

ఉండ్రాళ్ళ తద్ది దినమున
ఉండ్రాళ్ళను బోసి పిలిచె నూ రంత యునున్
తండ్రిని భర్తను జూచుచు
తండ్రీ రమ్మనుచు బిలిచె దరుణి తన పతిన్ 

నిండు వెన్నెల జాబిలీ నీట మునిగె

  రేయి  యంతయు రిక్కల రేడు భువిని
తనదు కాంతిని  విదజల్లి తమము బాపి
ప్రజల హితమును  గాంక్షించు ప్రభువు నైన
నిండు వెన్నెల జాబిలీ నీట మునిగె 

పగటి పూట నిద్రింప సంపద పెరుగును

లేమి గలుగును దప్పక  భామ లార !
పగటి పూట నిద్రింప, సంపద పెరుగును
శివుని బూజించు వారల కవిర ళ ముగ
పగటి నిద్రలు మానుట బాగు మనకు 

కటికి చీకటి నొసగె భాస్కరుడు వచ్చి

చంద్ర గ్రహణము రోజున  చందు రుండు
కటికి చీకటి నొసగె, భాస్కరుడు వచ్చి
భాస మానపు కాంతుల  బ్రభల నింపి
యుల్ల సిలగంగ జేసెను  నుల్ల ములను 

శార్జ్గ్యం ఘ్రి స్మరణ వలన సద్గతి గలుగున్

శార్జ్గ్యం ఘ్రి యనగ దెలుపుదు
శార్జ్గ్యం ఘ్రు లనంగ నొప్పు  శార్జ్గ్యు ని పదము  ల్
శార్జ్గ్యం ఘ్రిని సేవించియు
శార్జ్గ్యం ఘ్రి స్మరణ వలన సద్గతి గలుగున్

 

కాలకూట విషము కాత్యాయని మ్రింగె

కాలకూట విషము కాత్యాయని మ్రింగె
ననుట యొప్పు గాదు  యజ్ఞ పురుష!
సదరు విషము మ్రింగ శంకరు డొక్కడే
యర్హు డార్య !గౌరి యనుట కాదు 

శివుని నైన గాసి చేయ గలరు

ధరను భస్మ యనెడ సురుడు శివుని గోరె
చేయి వెట్ట శిరము చిద్ర మయ్యి
భస్మమగునని మఱి , భవునిపై కరమిడ
శివుని నైన గాసి చేయ గలరు 

నరసింహుని బిలువ బలుకు నరకాసురుడున్

హరిహరి యని నెమ్మనమున
నరసింహుని బిలువ బలుకు, నరకాసురుడున్
కరివరదుని బాణం బున
మర ణం బును బొంది జేరె మరుత్తుల దరిన్ 

రామ కోటి వ్రాయ చీమ జన్మ గలుగు

రామ కోటి వ్రాయ చీమ జన్మ గలుగు
ననుట యొ ప్పు గాదు వినుడు నిజము
భుక్తి కలుగు మఱియు ముక్తి చే  కూరును
కల్లగాదు నమ్ము డుల్ల మలర 

అ త్యాశను గలిగి యుంట ,యరయగ మేలౌ

విత్తము దొరకుట కష్టమె
య  త్యాశను గలిగి యుంట ,యరయగ మేలౌ
నిత్యము శివనామమునే
సత్యముగా బలుకు నెడల సర్వుల కిలలోన్ 

కుంభ కర్ణుండు రూపసి కుంతి మగడు

రావణాసురున నుజుడు  రాక్షసుండు
కుంభ కర్ణుండు, రూపసి కుంతి మగడు
పాండు రాజునా  బఱగుచు  భ్రాత బదులు
రాజ్య పాలన గావించె  రమ్యముగను 

యము నిష్ట పడంగ నొప్పు నఖిల ప్రాణుల్

మమతల తోడన మెలగుచు
విమలంబగు  మనసు తోడ ,వీడని ప్రేమన్
దమవా రందఱు నిడుసా
యము నిష్ట పడంగ నొప్పు నఖిల ప్రాణుల్ 

కోట్లు దినుట నేర్చె కుక్కుటములు

క్రొత్త యధికారి వచ్చియు  కోట్లు దినుట
నేర్చె , కుక్కుటములు మఱి నేల బడిన
గింజ లనునేఱి  తినుచుండె  గుంజు కొనుచు
సహజ మేగద యియ్యది సర్వు లకును


 

అక్కినేని వారె యారాధ్య దైవము

అక్కినేని వారె  యారాధ్య దైవము
నిజము  మూడు పాళ్ళు  నిజము గదర
నటన యందు మిగుల నాగేశ్వరు డు మేటి
కాన దైవ మేను గాద! చెపుమ ?

ఓడినవారలకు దృప్తి యొనగూ డు గదా

పాడగును వారి  మనసులు
ఓడినవారలకు దృప్తి యొనగూ డు గదా
వీడగ విభజన సంగతి
పోడిమతో నుం డదగును పురజను లికపైన్ 

అక్కినేనికి శ్రద్ధాంజలి

నటన యందున నినుమించు నటుడు భువిని
కాన రాడయ్య !యెవరును  కన్ను గవకు
అక్కినేని కు  లాంబుధి నగ్ర గణ్య !
అందు కొనుమయ్య ! శ్రద్ధాంజ లందు కొనుము 

వేలకొలదిగ పూరణలు

శంకరాభరణ బ్లాగు శతముకొలది
పూరణల దోడ విలసిల్లె  పొలుపుగాను
శంకరార్యుల కృషి  తోడ ,శంక లేదు
వందనంబులు వానికి  వంద లాది . 

త్యాగరాజ స్తుతి

పుట్టి కారణ జన్ముడై  పుడమి యందు
వ్యాప్త మొనరించె  సంగీత  భవ్య కళను
యోగి గణములో  శ్రేష్టుడీ త్యాగరాజు
వంద నంబులు వానికి  వందలాది 

ఓ టమి తదుపరిన వచ్చు నొప్పుగ గెలుపున్

ఆటల యందున నోడిన
నో  టమి తదుపరిన వచ్చు నొప్పుగ గెలుపున్
రాటలు దేరిన వారును
నాటలలో నోడిపోవు ట రుదుగ జరుగున్ 

కవినాశన మయ్యె మేటి కావ్యము చేతన్

అవకత  వకరచ  యిత రవి
కవినాశన మయ్యె,  మేటి కావ్యము చేతన్
కవియగు రాయలు మఱి యీ .
భువినిం బే రొందె  యాంధ్ర భోజుం డ నగన్ 

ముక్కం టిం దూ ఱు నెడల మోక్షము గలుగున్

మక్కెలు విఱు గం  గొట్టుదు
ముక్కం టిం దూ ఱు నెడల మోక్షము గలుగున్
జక్కగ బూజలుసేసిన
ముక్కం టికి ననుదినమ్ము మురిపము తోడన్  

కాశి యతి పవిత్రము గద క్రైస్త వులకు

క్షేత్రముల లోన నెన్నగ క్షితిని నుండు
కాశి యతి పవిత్రము గద,  క్రైస్త వులకు
బెథలె హేము ప విత్రము భీ మసేన !
ధాత్రి దైవప్ర ధానము క్షేత్రము లగు 

దుష్ట జనముల సాంగత్య మిష్ట మగును

దుష్ట జనముల సాంగత్య మిష్ట మగును
దుష్ట జనులకు ,నిజమది  దుహిత లార!
సంది యంబును  నిసుమంత  చెంద వలదు
 దూర ముండుట  మేలది  దుష్టు లకును 

తొయ్యలి దునుమాడి నట్టి దొరను నుతింతున్

అయ్యా ! వినుడీ  సంగతి
కయ్యమునకు వచ్చి నట్టి కాంతను  గనుచున్
 చయ్యన తాటకి నాబడు
తొయ్యలి దునుమాడి నట్టి దొరను నుతింతున్



 

రోగము లవి వచ్చు చుండు రుద్రుని గరుణన్

మాగిన పండ్లను దినునెడ
రోగము లవి వచ్చు చుండు, రుద్రుని గరుణన్
రోగములు మాయ మగునట
వేగముగా రండి మీరు విభునిం  గొలువన్ 

కుబేర యాగము

అలకా పురమ్ము నందున
కళకళ లాడంగ నచట గ్రతువులు జేయ
న్నలనాటి యజ్ఞ శాలను
దలపించెను శంక రార్య !తలపుల లోనన్

(విజయవాడ లో కుబేరయాగము  చేయుచున్న
ప్రాంగ ణ మునకు అలకాపురము అను పేరు
పెట్టిరి )

వేద మంత్రాలు జదువగ విబుధ వరులు
చేయు చుండిరి యాగంబు శిష్య గణము
విజయ వాడను  పురమున వైభవముగ
వేయి కన్నులు సరి వోవు వీ క్ష కులకు

ఘంట సాల సంగీతపు మంటపమున
పెద్ద యెత్తున నేర్పాట్లు  దద్దరిల్లె
చూడ ముచ్చట గొల్పెను  చూచు కొలది
వంద నంబులు వారికి  వంద లాది

యాగ మీయది  చేసిన నాయువుయును
 ధనము మెండుగ కలుగును దళితు లకును
చేత నైనంత రీతిలో చేయు నెడల
వేరుచెప్పగ బనిలేదు వేత్తల కిది .

దేశ సౌభాగ్యము నకునై దేశికు లట
చేయు చుండిరి యాగము ల్చెలువ గాను
దాన ,నభివృద్ధి జెందును ధరను మరిని
పాడి పంటలు ,సిరులును  బహు ళ ముగను

కణ కణం గుగ  నిప్పులు గన బడంగ
హోమ ద్రవ్యాలు వేయుచు హోత లచట
మంత్ర పూర్వక హోమంపు తంతు జరుప
హాయి గొలిపెను మనసున కమితముగను

ఇట్టి యాగంబు  జరిపించి  నట్టి స్వామి
భారతీ మహా స్వామియే  భవ్యు డార్య !
వాని కిడుదును మనసార వందనములు
అంద జేయుడు మఱి మీరు యాబ లూ రి !





 

రోగముల దెచ్చు పండుగై భోగి వచ్చె

క్షంతవ్యుడను

రోగముల దెచ్చు పండుగై భోగి వచ్చె
ననుచు నార్యులు బలుకుట యనుచితంబు
సుఖము లీయును మఱియును శుభము గలుగు
పండుగ వలన గద మఱి పండి  తార్య !

శుభాకాంక్షలు

బ్లాగు మిత్రులకు  సంక్రాంతి శుభా కాంక్షలు

కందుల వారిని  గోరుదు
నందముగానీయు డార్య !యందరి సుఖముల్
విందుగ గోరుచు మదినిన్
వందనములు సేతు మీ కు వందల కొలదిన్

 

తండ్రినే భర్తగా బొంది తరుణి మురిసె

తలచె రాముడు పుడమిని దైవముగను
తండ్రినే భర్తగా బొంది తరుణి మురిసె
నీల మేఘపు దేహుని నిరతి శయుని
రామ చంద్రుని ముదమార రామ సీత  

ఆశీర్వచనము

ఇరగ వరపు కుల భూష ణ !
యరమరికలు లేకమదిని నాదుకొ మమ్మున్
నిరతము మీ పాదములను
కరములతో బట్టు కొందు గరుణలు గలుగన్

 బంధు ప్రీతిని గలిగిన  బాంధ వుండు
స్నేహ సంపద నొందిన చెలియ కాడు
భువిని  నిరగవ రపు వంశ  బుధు డతండు
కల్ల కాదిది నిజమునే బల్కు చుంటి

మాయ మర్మము లెరుగని మనిషి యతడు
మత్సరమ్మును లేనట్టి  మాన్యు డతడు
సాటి మనుజుని మనిషిగా సాకు నతడు
సాటి లేరిక యతనికి మేటి భువిని

స్వార్ధ మనునది లేనట్టి సహృద యుండు
వీ రు నావారు వారు పైవారనుటను
వినగ లే దె పుడును మఱి ,వీ ను తోడ
దైవ తుల్యుడే యిక పైన ధరణి ప్రజకు

రామ కృష్ణ రావనగ మా మామకు నిక
సకల శుభములు గలిగించు శంక రుండు
మరల పుట్టుక లేకుండు వరము నిచ్చి
యతని యాత్మకు శాంతిని నిచ్చు గాక !


(లేటు  మామయ్య గారి సంవత్సరీకములు సందర్భముగా
 పోచిరాజు సుబ్బారావు సమర్పించు పుష్పాంజలి )
22-01-2014.
-----------------



 

మామ ముగ్గు బెట్ట మగువ మురిసె

మామ ముగ్గు బెట్ట మగువ మురిసె నట
సహజ మ యది తనదు సహచరుండు
తనకు సాయ మొంద దన్వి  సంతస మొంద
యమ్మ సోద రుండె  యతడు మఱి ని 

శుష్క వేదాంత మును జెప్పె శుక మహర్షి

గిట్టు మనుజుడు తప్పక గిట్టు ననుచు
శుష్క వేదాంత మును జెప్పె శుక మహర్షి
యనుట సత్య దూరము గద యార్య !శుకుడు
భాగవతమును బోధించె బండితులకు 

ఆశీ ర్వచనము

 రాపాక వంశ మండన
మాపాపము ల ణ ఛి వైచి మమ్ముల దయతో
కాపాడు మయ్య నిరతము
మీ పాదము లాశ్ర యింతు మీ దయ కొఱకున్

బంధు ప్రీతిని గలిగిన  బాంధ వుండు
స్నేహ సంపద నొందిన చెలియ కాడు
భువిని రాపాక వంశపు బుధు డతండు
కల్ల కాదిది నిజమునే బల్కు చుంటి

మాయ మర్మము లెరుగని మనిషి యతడు
మత్సరమ్మును లేనట్టి  మాన్యు డతడు
సాటి మనుజుని మనిషిగా సాకు నతడు
సాటి లేరిక యతనికి మేటి భువిని

స్వార్ధ మనునది లేనట్టి సహృద యుండు
వీ రు నావారు వారు పైవారనుటను
వినగ లే దె పుడును మఱి ,వీ ను తోడ
దైవ తుల్యుడే యిక పైన ధరణి ప్రజకు

ప్రభల కాకర మైన ప్రభాకరునకు
సకల శుభములు గలిగించు శంకరుండు
మరల జన్మము లేకుండు వరము నొసగి
యతని నాత్మకు శాంతిని నిచ్చు గాక !

[ అన్న గారైన  లేటు  ప్రభాకర రావు గారి  సంవత్స రీ కములు  సందర్భముగా
పోచిరాజు సుబ్బారావు  సమర్పించు పుష్పాంజలి }
9-01-2014.



 

తాటకిని జంపె భరతుడు తపసి కనగ

రామ భద్రుడు కోపాన లేమ యైన
తాటకిని జంపె,  భరతుడు తపసి కనగ
రామ చంద్రుని పాదముల్ రమ్య మలర
హత్తు కొనియెను  శిరమున హర్ష మొదవ 

నారికేళ జలమ్ము ప్రాణమ్ము దీయు

శుభ్ర పఱచును  రక్తమున్  శుద్ధి గాను
నారికేళ జలమ్ము , ప్రాణమ్ము దీయు
క్రుళ్ళి పోయిన వాటిని  కుడువ ధరను
సందియంబును నిసుమంత జెంద వలదు 

గోవర్ధనపర్వతమును గోమలి యెత్తెన్

గోవుల కాపరి యెత్తెను
గోవర్ధనపర్వతమును గోమలి యెత్తెన్
గోవుల మలమును మూత్రము
నోవనజా! యీవిషయము నోపుదె వినగన్

హైద్రా బాదెంత దూరమయ్య కడపకున్ ?

భద్రాచల మున కేగితి
హైద్రా బాదునకు నేగ నవసర మయ్యెన్
 భద్రయ్యా ! తెలుపుము మఱి
హైద్రా బాదెంత దూరమయ్య కడపకున్ ?

పెండ్లి కానివారలకె వేవిళ్ళు గలుగు

పెండ్లి కానివారలకె వేవిళ్ళు గలుగు
పెండ్లి తోబంధము మఱి వే  విళ్లకు నిల
కలుగ బోదార్య !  నిజమిది  కనుము నీవు
కుంతి మొదలగు మహిళల  గూర్చి యికను

 

భార్య పదములన్ భక్తితో బట్ట దగును

 భార్య పదములన్  భక్తితో బట్ట దగును
నేమి దౌర్భాగ్య మీయది యింత బ్రదుకు
బ్రదికి నిటులుగా  జేయంగ పరమ పురుష !
మృడు ని పదములన్ బట్టిన మోక్ష మబ్బు 

నూతన ఆంగ్ల సంవత్సర శుభా కాంక్షలు

ఇరువది,  యొకటి యు,  నాలుగు
నరయంగా  మంచి  సంఖ్య యన్నిటి  కంటెన్
తిరముగ  వత్సర మంతయు
సిరి రాసుల  నిచ్చి  మనకు శ్రీ పతి  జేయున్






ఇరువది,  యొకటి యు, నైదిది
నరయంగా  మంచి  సంఖ్య యన్నిటి  కంటెన్
తిరముగ  వత్సర మంతయు
సిరి రాసుల  నిచ్చి,  మనల శ్రీ పతి  జేయున్

ప్రజలు రోదింత్రు నూత్న సంవత్సరమున

ముక్క లగు నెడ  రాష్ట్రము  ముదిత లార !
ప్రజలు రోదింత్రు , నూత్న సంవత్సరమున
నొ కరికి నొకరు  మోదాన నొడలు మఱచి
చెప్పు కొందురు  గ మఱి యా  శీ స్సు లిలను