బ్రహ్మశ్రీ వేదమూర్తులైన జక్కరాజు ప్రకాశరావు గారి జన్మదిన శుభాకాంక్షలతో సమర్పించు పంచరత్నములు.

-------------------------

జక్కరాజను వంశాన సదయమూర్తి

ధరను ప్రకాశరావుగ బరగి మిగుల

నయముగావించితమ్ముల నడవడికను

మానవత్వంబు జాటిన  మహితు డతడు. 1

 తండ్రి యంకము జేరని దనయు లైన

దమ్ము లందరి బాగోగు లిమ్ముగాను

దాను దండ్రియై సాకిన ధర్మ యుతుడు

సాటి యెవరయ్య తనకిల సాటి యెవరు. 2

చదువు సంధ్యలు నేర్పించి చక్కగాను

మాకు బ్రదుకగ శక్తిసామర్ధ్య ములను

నొసగి నటువంటి నీవునౌ నుత్తముడవు

వందనంబుల నిడుదుము వందలాది. 3

నీదు పెంపక మరయగ నిజముగాను

కన్న కొడుకులా యనునటు కానిపించె

నీదు ఋణమును దీర్చగ నేర్వలేము

రెండు చేతుల తోడికై దండ లివియె. 4

ఆది దంపతి వోలెను నలరు నట్టి 

మీకు వదినెకు శంభుడు మిగులదయను

నాయు రారోగ్య సంపద లన్ని యిడుచు

నెల్ల కాలము గావుత  చల్లగాను

----------

ఇట్లు హృదయపూర్వక నమస్కారములతో....

కుటుంబ సభ్యులు