మా మనుమరాలు ,తేజ డేన్సు శుభాకాంక్షలు

నీవు చేసిన నృత్యము నిన్న నేను
చూసి సంతసం బొందితి నీశు నిన్ను
నెల్ల వేళల జూచుత ! చల్ల గాను
నాయు రారోగ్య సంపద లన్ని యిచ్చి .

నీవు నింకను బాగుగ నేర్చు కొనుచు
మంచి పేరును గడియించు  మించి గురుని
సంత సించును నీమాత  సంతు వగుట
పొంగి పోవును నీ తండ్రి పుత్రి కగుట

నీదు  నృత్యము నమ్మమ్మ నిరతి జూచి
యెంత బాగుగ నున్నదో నెంత బాగు
ననుచు ముదమార చప్పట్లు దనర గొట్టె
నమ్మ !తేజమ్మ !మామయు హర్ష మొందె .

సంతసంబున  నీకిత్తు సాదరముగ
వేయి రూప్యము లోతేజ ! బిడియ పడక
తీసి కోవమ్మ ,మఱి నేను దెచ్చి యిత్తు
వత్తు కొలదిది  నములలో వత్తు తేజ !