దారుణకార్యమౌనుగదదంపతులందుటసౌఖ్యమిద్ధరన్

దారుణకార్యమౌనుగదదంపతులందుటసౌఖ్యమిద్ధరన్
దారుణమెట్లగున్రమణ!దంపతులేగదవారలిద్దరున్
నోరునునుంచు మేలుగనునొవ్వగజేయుటబాడియేగనన్
మీరుటమాటలన్భువినిమీకునుమాకునుమంచిగాదుగా

దంపతులు సౌఖ్యమందుటదారుణమ్ము

పుణ్యతీర్ధములకువెళ్ళిమునిగినీట
దంపతులు సౌఖ్యమందుటదారుణమ్ము
పరులుచూతురనుభయము పడకయట్లు
తనువులొక్కటగుటమరీ దారుణమ్ము

గామినినూపురంబలరె గాంతునకున్దలమానికంబుగన్

భామినిసత్యభామకసిబాదమునెత్తుచుదన్నగాదలన్
గామినినూపురంబలరె గాంతునకున్దలమానికంబుగన్
గోమునబల్కెనప్పుడటకోపముపోయెనె?చెప్పుమావడిన్
బ్రేమముమీరదెత్తుసుమవృక్షముచూడుమ యీక్షణంబునన్

కామినినూపురమలరెను కాంతునితలపై

 ఏమనిజెప్పుదునారద!

కామినినూపురమలరెను కాంతునితలపై

కామినియనగనునెఱుగుమ

యామెయెయాసత్యభామ యాపనిజేసెన్

కలిబొలిమాటలాడుచునుగాంతలబొందునుగోరువాడెకా
వలయుననంగదుష్టుడగువద్దనువాడగుసజ్జనుండిలన్
కలియుగధర్మమేమొయిదికానిచొనిట్లుగసాహసింతురే?
వలపులజోలికిన్జనకబంధుగణంబులపేర్మినొందుమా

వలయుననుఖలుడు,సుజనుడువలదనునెపుడున్ ము

వలపులుమీరగరతికా
వలయుననుఖలుడు,సుజనుడువలదనునెపుడున్
కలిబొలిమాటలువినడము
పలుకులుసత్యంబులుగనెబలుకగగోరున్

వందేభారతమాతర,మ్మనుటదుర్వాక్యంబగున్ సత్కవీ!

 బృందా!తప్పనియంటివేగదయదిన్ భావ్యంబుగాదోచెనే

వందేభారతమాతర,మ్మనుటదుర్వాక్యంబగున్ సత్కవీ!

నిందారోపణజేయుచున్దఱచుదానేగొప్పవాడంచుటన్

వందేమాతరమంచుబల్కుడికయాభవ్యంపుమాతన్రహిన్

వందేమాతరమనుటకు,వాక్యముసుకవీ!

బృందా!భయమా! యేలకొ?
వందేమాతరమనుటకు,వాక్యముసుకవీ!
డెందంబుహత్తువిధముగ
నందంబుగవ్రాయునెడల హర్షంబొదవున్

నేడుపువిన్ననాహృదయమెంతయొమోదమునందెదృప్తిగన్

వీడగజేయుచున్ భయముపేర్మినిబిడ్డడుపుట్టనంతటన్
నేడుపువిన్ననాహృదయమెంతయొమోదమునందెదృప్తిగన్
జూడగ ముద్దులన్ గురియుచొప్పుననుండెనుబోసినవ్వుతో
వేడుకజేయనెంచితినిబీదలకట్లనెయర్ధికోటికిన్

యేడ్పువినిమోదమందితిహృదయమంద

సంధ్యసమయాన పుట్టిన చంటిపిల్ల

యేడ్పువినిమోదమందితిహృదయమంద

యింటిమహలక్ష్మి యామెయే యింకమాకు

పేరు శ్రీలక్ష్మి యంచును బెట్టుదురమ!

భారతమాతకున్జయమువల్కెడువాడె,ఖలుండుద్రోహియౌ

ఆరయదేశభక్తుడుగనాదరమందునునెల్లవేళలన్
భారతమాతకున్జయమువల్కెడువాడె,ఖలుండుద్రోహియౌ
నేరములెన్నియోతఱచునేర్పునజేసెడుమానవుండుగా
చీరగరాదువారినికజీవితమంతయునెట్టిచోటికిన్  

భరతమాతకుజయమనువాడె,ఖలుడు

భావిభారతపౌరుడే పృధివియందు
భరతమాతకుజయమనువాడె,ఖలుడు
దేశసంపదకెపుడువినాశనమ్ము
గోరుమనుజుడునౌనుగ కువలయమున

బెకబెకలాడకప్పలవెభీతిలిపాఱెనుపాముగ్రక్కునన్

 చెకుముకిఱాయివోలెను నచేతనరీతినినుంటివేమిరా?

ప్రకటముజేయుమీప్పుడిటపామదిచూడుమయేమిచేయునో?

నకనకలాడుసర్పమువనాంతరసీమకునేగనయ్యెడన్

బెకబెకలాడకప్పలవెభీతిలిపాఱెనుపాముగ్రక్కునన్ 

కప్పలబెకబెకలకునహికడుభీతిల్లెన్

 ముప్పనసాంబునిమడుగున

గప్పలభక్ష్షించుకొఱకుకర్కటిరాగన్

చప్పునముప్పునుగనునా

కప్పలబెకబెకలకునహికడుభీతిల్లెన్

బ్రమదముగూర్చవచ్చెనుప్రభంజనమెల్లెడవీచితీవ్రమై

 విమలమనస్కునైజనగవేంకటనాధునిదేవళంబుకున్

బ్రమదముగూర్చవచ్చెనుప్రభంజనమెల్లెడవీచితీవ్రమై

సుమధురభావముండునెడసోమముసైతమునెయ్యమిచ్చుగా

నమలినమాన్యవంతులకునందగజేతురుసాయమెప్పుడున్

కనకపుగద్దెనెక్కుటకు,గాడిదకేకలవన్నియర్హతల్

 వినుమురరంగనాయకుడ!పేర్మినినర్హులుపండితోత్తముల్

కనకపుగద్దెనెక్కుటకు,గాడిదకేకలవన్నియర్హతల్

పనిగొనిబెద్దమూటలనుభారమునొందకమోయనిచ్చలున్

కనగనుహెచ్చుమూల్యములుగల్గునుగాడిదపాలెయిద్ధరన్

కనకపుసింహాసనంబు గాడిదకెతగున్

 కనివిని యెఱుగను నెపుడును

కనకపుసింహాసనంబు గాడిదకెతగున్

ననుటను సబబని దలచితె?

కనకపుసింహాసనంబు కవులకెయొప్పున్

శ్రీదేవీపదపద్మమెత్తెడిశివున్ జిత్తంబునన్ గొల్చెదన్

మోదంబొందుచునెల్లవేళలను నామోదంబుతోదప్పకన్
శ్రీదేవీపదపద్మమెత్తెడిశివున్ జిత్తంబునన్ గొల్చెదన్
వేదాతీతుడు శంకరుండునుదగున్ విష్ణుండునొక్కండుగా
నాదామోదరు,శంభునిన్ గొలువుడీహర్షాతిరేకంబునన్ 

శ్రీసతీపదమొత్తెడి శివునిగొలుతు

 శ్రీసతీపదమొత్తెడి శివునిగొలుతు

శ్రీసతీపదమెత్తిన శ్రీకరుండు

నందనందనుడార్య!వినంగరాదె?

యయినశివకేశవులొకరెయాఖ్యవేరు

బంధములెల్లద్రెంచుకొన,బంధువనంబడులోకమందునన్

అంధులవోలెజీవితమునందగనౌనికనెల్లవారికిన్
బంధములెల్లద్రెంచుకొన,బంధువనంబడులోకమందునన్
బంధముగూర్చువాడెకద బంధుగణంబునగాకనెల్లవారిచేన్
బంధువులందఱున్ భువినిబంధములన్నిటిబెంచగాదగున్

బంధములందెంచుకొనిన,బంధువనబడున్

బంధుత్వంబులువోవును
బంధములందెంచుకొనిన,బంధువనబడున్
బంధములబెంచువానిని
బంధంబులుమేలుసేయుబ్రజలకునెపుడున్

పద్యమ్మునువ్రాసితిననిపలుకగనేలా

గద్యమువ్రాసినకవివర!
పద్యమ్మును వ్రాసితినని పలుకగనేలా
పద్యమ్ములకును నెఱుగుము
హృద్యంబగు గ్రంధపఠన మెక్కువవలయున్

పద్యమువ్రాసినాడనని పల్కగనొప్పునె కృష్ణశాస్త్రికిన్న్

గద్యమువ్రాసిజూపియును గందరగోళపుమధ్యలోదనే
పద్యమువ్రాసినాడనని పల్కగనొప్పునె కృష్ణశాస్త్రికిన్
హృద్యముగారచించగనునింపుగఛందములాదిగానొగిన్
విద్యలనెన్నియోచదివివిఙ్ఞతనొందుచువ్రాయగావలెన్

రాయనునన్నువీడకుమురాయనురాయపరాయణోక్తులన్

రాయనునన్నువీడకుమురాయనురాయపరాయణోక్తులన్
నాయపరాధముల్గనక నన్నునుజూడుముదయామయుండవై
నీయడుగుల్ శిరంబునను నిల్పుచుసేవలుసేయువాడనే
పాయకయుండుమాయికను భద్రగీరీశుడ!రామ!నామదిన్

రాయనుననువీడిపోకురాయనురాయా

మాయలమారివికృష్ణా!

రాయనుననువీడిపోకు,రాయనురాయా!
నీయానతికొఱకైయిట
రాయిగనేనుంటిగదర రహిచెడికనుమా

నందనులదహించిరంట నాటిపురంధ్రుల్

చిందర వందర చెత్తను
గొందఱుగని నూడ్చదాని,గొందఱుప్రోగున్
నందంబుగదాబేర్చెడు
నందనులదహించిరంట నాటిపురంధ్రుల్ 

భోగిపండ్లుగురియరోగమొదవెనట

 భోగిపండ్లుగురియరోగమొదవెనట

యబ్బురంబుగాదెయార్యయదియ

భోగిపండ్లుదెచ్చి బుడతలశిరముపై

బోయవృద్ధియగునునాయువతని

సూర్యుడుచందమామవలె శోభిలుశీతకరుండుగాదివిన్

 సూర్యుడుచందమామవలె శోభిలుశీతకరుండుగాదివిన్

సూర్యునికాంతిపుంజములు సోకగదేహమువేడియౌగదా

సూర్యునివోలెకాక హరిచుక్కలఱేడయి శీతలత్వమున్

శర్యములందునన్ నిడును జల్లనివెన్నెలనద్భుతంబుగాన్

దినమణీయె,శీతకరుడుచంద్రునితెఱగున

జగమునకువెలుగు నునిచ్చు ఖగమునుండి
దినమణీయె,శీతకరుడుచంద్రునితెఱగున
భరణియంతయునుండిన ప్రజలుపొలుపు
జీవనంబును సాగింత్రు సిరులతోడ

చిత్రమ్మేకదసింహమున్గనమటన్సింహాచలింబందురే

చిత్రమ్మేకదసింహమున్గనమటన్సింహాచలింబందురే
చిత్రమ్మంచుచు బల్కయొప్పదటబో సింహంబులుండంగనౌ
నాత్రంబందుటయొప్పునేరమ! హర్షంబుతోనుండుమా
స్తోత్రంబొప్పగజేయుమా ప్రభుని యష్టోత్తరనామావళిన్

సింగములేకున్ననెటులసింహాచలమౌ

.సింగపురాయని గొలువగ
నంగనదావెంటరాగ నార్యులు చేరన్
సింగమునావిపినంబును
సింగములేకున్న నెటులసింహాచలమౌ

పుస్తకమున్ గనన్,ఖరవిభూషణముల్గదయెంచిచూడగన్

మస్తుగ వచ్చునాకురమ! మత్తునుగూడిన నిద్దురెప్పుడున్
పుస్తకమున్ గనన్,ఖరవిభూషణముల్గదయెంచిచూడగన్
దుస్తరమైనమూటతతిదొంతరవోలెనునుండుబట్టలున్
విస్తునుగల్గజేయుచునువింతగనుండెనుజూచువారికిఐ

పుస్తకమ్ములు,ఖరభూషణములు

అడ్డగాడిదలకు హస్తభూషణములు
పుస్తకమ్ములు,ఖరభూషణములు
బరువుకలుగుపెద్ద బస్తాలనికరము
ఖరముమేలుసేయు కరముమనకు

త్కర్మమునీదురూపమున కన్నులముందఱనిల్చెనొప్పుగన్

 నర్మపుభాషణంబుల సనాతనధర్మము నొవ్వకుండస

త్కర్మమునీదురూపమున కన్నులముందఱనిల్చెనొప్పుగన్

ధర్మమెయెల్లవేళలను ధైర్యమునిచ్చుచు మానవాళికిన్

ధర్మపథంబునన్ నడువదారినిజూపునుదప్పకుండగన్

త్కర్మమునీరూపుదాల్చి కనబడెనెదుటన్

ధర్మము దప్పక యెప్పుడు
గర్మలనేజేయుకతన గామితఫలముల్
శర్మా!వినుమా సదస
త్కర్మమునీరూపుదాల్చి కనబడెనెదుటన్ 

పిల్లికిశ్రాద్ధమున్ బుడమివేలుపువెట్టెనుశాస్త్రపద్ధతిన్

పిల్లికిశ్రాద్ధమున్ బుడమివేలుపువెట్టెనుశాస్త్రపద్ధతిన్
నల్లదెయేమిపల్కితిరియచ్చెరువయ్యెనువిన్నవెంటనే
పిల్లికిగొర్గెనేదలను బేర్మినిమంగలిఖాళియుంటతోన్
పిల్లియదృష్టమేయిదియ వేలనునొందుట మానవాళిచేన్

పిల్లికిశ్రాద్ధమును బుడమివేలుపువెట్టెన్

పిల్లితలగొఱిగె మంగలి
పిల్లికిశ్రాద్ధమును బుడమివేలుపువెట్టెన్
పిల్లికి భోగముగలుగుట
యల్లదిభాగ్యమ్ము గాదె ?యాలోచించన్ 

ధమునువీడిపోగలదెతన్విముదంబునభర్తయింటికిన్

వినయముగల్గుచుండియును బ్రేమనునిచ్చెడు బంధువర్గబం
ధమునువీడిపోగలదెతన్విముదంబునభర్తయింటికిన్
మనమునబాధయుండిననుమాన్యతనొందినదైనదౌటచే
మనగనుభర్తతోడనిక మానినియేగెనుమోదమబ్బగన్

ధనమువలదటంచు జనునెతన్వి

పుణ్యఫలమువలన బ్రోగుకాబడినట్టి
ధనమువలదటంచు జనునెతన్వి
మంచిపనులవలన సంచితమయగును
బుణ్యమనెడు నొకయ పూర్వశక్తి

దత్తపది--

ఎంచుకుంటిని నీయందమెల్ల యిపుడె
జుర్రుకొనగను ,నోభామ!చూడుమికను
చీరచెంగూని గుబ్బలుజారెనకట
నీదునడుమూగ నటునిటు నిజముసుమ్ము

కనులకువిందొసంగుగద గబ్బిలమేతనసోయగంబుతో

కనుముర మర్రివృక్షమునుగంటివె?చక్కనిరంగుగల్గుచున్
కనులకువిందొసంగుగద గబ్బిలమేతనసోయగంబుతో
బనిగొనిజాషువాకవియె వ్రాసెనుగబ్బిలమౌపేరునన్
మనములుసంతసించగను మాన్యులు,సజ్జనలోకమందరున్

కనులవిందొనర్చుగబ్బిలమ్ము

కొమ్మ క్రింద వ్రేలి గమ్మత్తుగానుండి
కనుల విందొనర్చు గబ్బిలమ్ము
గబ్బిలమ్ముగురిచి కావ్యమే వ్రాసెను
జాషువకవి భువిని భేషుగాను

దనతోడన్ శయనింపగన్ బిలిచెగాంతన్,యోగిమోక్షార్ధియై

 కనగాదెల్సెనుదానుగారమనువేకళ్యాణమాడంగనౌ

దనతోడన్ శయనింపగన్ బిలిచెగాంతన్,యోగిమోక్షార్ధియై

జనతావాసమువీడికాననపువాసంబున్ గోరుకొంచుదా

మననంబయ్యదిచేయగాశివునినామంబున్ నేగె గాయటన్

తనతోశయనింప,మౌనితన్వినికోరెన్

 అనయముశుభమగుహరిచిం

తనతోశయనింప,మౌనితన్వినికోరెన్

వనితా!విడువకు పతిసే

వనునెల్లపుడునుగలుగునుబరమపదంబున్

నీయాలిన్ దగనాకొసంగవలె నీనీతిఙ్ఞతన్ జూపుచున్

నీయాలిన్ దగనాకొసంగవలె నీనీతిఙ్ఞతన్ జూపుచున్
నోయీ యేమనిబల్కుచుంటివియిటన్ నోపంగరాదాయెగా
మాయాజాలముగాదలంచితివే?మందుండ! యేమాయెరా?
న్యాయంబొప్పెడురీతి మార్చుమిక నీయాలోచనామార్గమున్

నీయాలినినాకొసగుము నీతిపరుడవై

ఓయీరామారావా!

న్యాయంబేతెఱచిచూడ నైతికమిదియా?
పాయుమయిటులుగ బలుకుట
నీయాలినినాకొసగుము నీతిపరుడవై

 

ఏలాదుఃఖము దున్నపోతువని నిందింపన్ సభన్ మిత్రమా
ప్రేలాపంబులుమానుమాయిక ననున్ బీడింపన్యాయంబునౌ?
నులాదున్ననుగానుబోతుననుటేనేరంబుగానుండదా?
వాలాయంబుగనీవునిందలనికన్ వారింపనౌచిత్యమౌ

దున్నపోతని నిందింప దుంఖమేల

ఏకధాటిగ దినుచుండు నెవనినైన
దున్నపోతని నిందింప దుఃఖమేల
తిండియనునది మితముగా నుండునెడల
నాయురారోగ్యవంతులై యవనియుండ్రు