హృదయాకాశం" అను అంశము

 అయ్యా!

నమస్కారములు."హృదయాకాశం"  అను అంశము.

---

ఒకకందము,ఒకతేటగీతి,ఒకసీసము వ్రాసాను

---

కందమునకు "భ,జ,స,నల,గగ అనుగణములు.మాత్రాఛందస్సు.నాలుగుమాత్రలుఒకగణము.లఘువుకుఒకమాత్ర,గురువుకురెండుమాత్రలు.ఒకటి,మూడవపాదములకు మూడుగణములు రెండునాలుగుపాదములకు ఐదుగణములు.రెండునాలుగుపాదములలో నాల్గవగణముమొదటిఅక్షరంయతి.ప్రాసనియమముగలదు.ప్రాసయతిలేదు.రెండునాలుగుపాదాలలోచివరిఅక్షరంగురువేఉండాలి.రెండునాలుగుపాదాలలోమూడవగణం నలగణముగానిజగణముకానిఉండాలి

-------

తేటగీతికి వరుసగానాలుగుపాదాలలోనుఒకసూర్యగణము రెండుఇంద్రగణములుమరలరెండుసూర్యగణములు ఉండును.ప్రాసనియమములేదు.ప్రాసయతి చెల్లును

----

సీసమునకు నాలుగుపాదములలోనుఆరుఇంద్రగణములురెండుసూర్యగణములు ఉండును.ఒకటవగణం మొదటిఅక్షరంమూడవగణంమొదటిఅక్షరం మరలఐదవగణంమొదటిఅక్షరంఏడవగణంమొదటిఅక్షరంయతి చెల్లును.చివరన ఆటవెలదిగానితేటగీతిగానిఉండవలెను.ప్రాసనియమములేదు

---

కం. హృదయాకాశమువెదకగ

హృదయమునుప్పొంగుసుమ్మునేరికినైనన్ 

హృదయమునిర్మలమగునెడ

సదయుండైయిచ్చుసుగతిశంభుడునెపుడున్ 

----

తే.గీ. ఆకసంబునుజూడగహ్లాదమొసగు

రిక్కగమితోడవెలుగుచుఱేయియందు

క్రొత్తజంటకువలపులుగూర్చుచుండి

స్వర్గసుఖములనందించుసరసరతిని

---

 సీ.హృదియనుగగనమ్ము హృద్యమౌరీతిని

తారాపధంబున తళుకులలరె

రిక్కగములవోలె లెక్కకుమించిగా

రక్తనాళంబులురక్తికలిగి

శంభునినామంబు సాదరమొప్పగా

నాభికుహరమందు నాట్యమాడ

నురముననుండుచు నుయ్యాలజంపాల

నూగులాడెడుగుండెమ్రోగుకతన

ప్రాణమున్నట్లుభావించిపరమశివుని

వేడుకొనుముర జీవుడ!వేడ్కతోడ

ననుచు సందేశ మిచ్చెనా!నాహృదయమ

నెడుగగనమనిదోచెనునెమ్మిమీర

--------

పోచిరాజు సుబ్బారావు

(flat  20A/1.plot 302,R.Residency

prabhat nagar,kothapet

chaitanyapuri,hyd -60

cell.9866283384)