శ్రీరంగనాధా!

 శార్దూలం

కావేరీతటవాస రంగ వరదా కారుణ్య రత్నాకరా

భావాతీత గుణాధిపా సురవరా భాగ్యోదయా భూవరా

దేవా దీనజనావనా ఖగరథా దేవీరమా సేవితా

నీవేదిక్కని నమ్మియుంటిమి హరీ నీరేజ పత్రేక్షణా! 

సీ.

ఆదిరంగడవందురా కన్నడిగులెల్ల

శ్రీరంగపట్టణ స్థిరనివాస 

మధ్యరంగడవంచు మనుజులు కొలిచేరు

శివసముద్రనిలయ చిద్విలాస

శ్రీరంగపురధామ శ్రీరంగనాథుడ

శ్రీరంగనాయకీ చిత్తచోర

అంత్యరంగడనుచునందురు భక్తులా

ళ్వారులెల్ల భువిని బ్రణుతి జేసి

తే.గీ.

రంగనాయకీ తాయారు రమణిగూడి

భక్త కోటిని గావగ వైనతేయ

వాహ భువిని వెలసినావు వరములీయ

కోటి వందనాలు గొనుమ కోమలాంగ!